Ötən aylarda öz xAI adlı süni intellekt şirkətini quran Elon Musk, OpenAI şirkətinin yeni kəşfi ilə bağlı narahatdır. Milyardder şirkətin yeni kəşfinin təhlükəli ola biləcəyini düşünür. Qeyd edək ki, Elon daha əvvəl əhəmiyyətli investor kimi süni intellekt şirkəti olan OpenAI-ni dəstəkləyirdi. Lakin indi o, OpenAI-nin süni intellektdə təhlükəli bir kəşf edə biləcəyindən narahatdır.
Tədbirdə Elona niyə “Sam ilə mübarizə aparacaq qədər güclü hiss etdiyini” soruşublar. O isə cavabında “Bu ciddi bir şey kimi səslənir. Mən çox narahatam ki, onların kəşf etdiyi süni intellektin təhlükəli tərəfləri var” deyə bildirib. Qeyd edək ki, Elon bu açıqlamanı yaxınlarda ortaya çıxan hesabata görə verib. Belə ki, Reuters mənbəsi tərəfindən paylaşılan hesabatda OpenAI şirkətinin potensial qorxulu süni intellektə irəliləyiş etdiyi iddia edilmişdi. Elon Musk isə buna əsasən Open şirkətinin süni intellekt tərəfindəki kəşfi ilə bağlı narahat olduğunu bildirir.
Reuters bildirmişdi ki, bir neçə şirkət işçisi son hadisələrdən sonra dəyişdirilmiş OpenAI-nin əvvəlki direktorlar şurasına məktub göndərib. Bu məktubda şirkətin süni intellekt və onun potensial riskləri sahəsində qorxulu kəşf etdiyi barədə xəbərdarlıq var idi. Hətta bu xəbərdarlıq şirkət daxilindəki Q* və ya Q-Star layihəsi ilə bağlıdır. Hətta bu layihə səbəbindən keçmiş OpenAI idarə heyəti Sam Altmanı işdən çıxardıbmış. Onlar bu mövzuda Altmana etibar etmədikləri üçün yalanlarının ortaya çıxmağından çəkinib. Lakin yenə də Sam Altman yeni direktorlar şurası ilə yenidən şirkətin baş direktoru vəzifəsinə qayıdıb.
