Elon Musk-ın nəhəng təzminat paketi Tesla səhmdarlarının qaldırdığı iddiaya görə bir müddətdir ki, müzakirə mövzusu olub. Belə ki, məhkəmə Maskın təzminat paketini ləğv etmək qərarına gəlib. Xatırladaq ki, 2018-ci ildə Tesla Elon Musk üçün 55 milyard dollarlıq təzminat paketi təqdim edərək onu dünyanın ən varlı adamları siyahısında birinci yerə çıxarmışdı. İndi isə məhkəmə bu təzminatı səhmdarlara qarşı ədalətsiz, həmçinin ağlasığılmaz məbləğ adlandıraraq şirkət ilə baş direktor arasında bağlanmış müqaviləni etibarsız hesab edib.
ABŞ-ın Delaware ştatının Chancery məhkəməsi səhmdar Richard Tornetta-nın iddiası ilə bağlı qərarını nəhayət açıqlayıb. Tesla səhmdarı, şirkəti öz CEO-sunu haqsız olaraq zənginləştirən bir ödənişi təsdiq etməsinə görə ittiham etmişdi. Hakim Kathaleen McCormick isə öz qərarında Muskın Teslanın adından təzminat paketi ilə bağlı danışıqlara cavabdeh olan rəhbərlərlə “yaxın əlaqələri olduğunu” bildirərək paketi ləğv etdi. Bloomber mənbəsinin məlumatına görə, qərar apellyasiyadan sonra da dəyişməzsə, bu, Maska böyük zərər vura bilər.
Qeyd edək ki, məhkəmədə Maskın əleyhinə iddia qaldıran səhmdar Richard Tornetta-nın vəkili, Greg Varallo investorlara planı Maskın şəxsən hazırladığını və ya idarə heyəti üzvlərinin Maska borcu olduğunu bildirmədiyini bildirib. İddiadakı ən böyük suallardan biri Musk-ın Tesla-nın nə qədər hissəsinə nəzarət etməsi idi. Hakim McCormick, “Musk bir idarəçinin şirkət üzərində edə biləcəyi maksimum təsirə sahib idi” dedi. Bununla da hakim son qərarında bu ödənişin şirkətə kompensasiya edilməli olduğunu bildirib.
