Beləliklə dünyanın ən böyük enerji anbarı üçün məkan artıq bəllidir. İspan enerji şirkəti Grenergy səhrada, daha doğrusu Atakama səhrasında dünyanın ən böyük enerji anbarı layihəsinin tikintisi ilə məşğul olacaq. Qeyd edək ki, nəhəng layihə çərçivəsində bu enerji anbarı həmçinin 1 GVt günəş enerjisi istehsal edə biləcək. Ümumiyyətlə hazırda bərpa olunan enerji mənbələrindən istehsalı ən vacib məsələlərdən biridir. Məhz gələcəkdə ekoloji olaraq təmiz enerji mənbələrindən istifadə edə bilmək üçün isə nəhəng enerji anbarlarına ehtiyac yaranır. Təbii ki, bu enerji anbarları üçün ən mükəmməl yer daim günəş şüalarına məruz qalan və şəhərdən müəyyən qədər uzaq olan səhralardır.
Hazırda dünyanın müxtəlif ölkələri bərpa olunan enerjidən istifadəyə keçid çərçivəsində nəhəng külək stansiyaları və ya su elektrik stansiyaları inşa edir. Lakin bu enerjilərin müəyyən müddət saxlanması və davamlılığını təmin etmək üçün enerji anbarlarına ehtiyac duyulur. Hazırda dünyanın ən böyük enerji anbarı ispan enerji şirkəti Grenergy tərəfindən Çilidəki səhrada tikilir. 4.1 GWh həcmli Oasis de Atacama’ adlı bu enerji anbarı layihəsi bərpa olunan enerji mənbələrindən istifadə olunması üçün mühüm addımdır. Qeyd edək ki, şirkət növbəti 36 ay ərzində mərhələli şəkildə fəaliyyətə başlaması gözlənilən layihəyə 1,4 milyard dollar sərmayə qoyacağını bildirib.
Dünyanın ən quraq ərazisində tikiləcək bu enerji anbarı həm də yüksək miqdarda günəş radiasiyası ilə təmin ediləcək. Grenergy-nin baş icraçı direktoru David Ruiz de Andres bildirib ki,, Çilidəki əsas yanacaq şirkətlərindən biri olan COPEC-in törəmə müəssisəsini 8TVt-dan çox təmiz enerji ilə təmin etmək üçün “Oasis de Atacama”-dan istifadə olunacaq. Habelə şirkətlər arasında artıq 15 illik razılıq da əldə olunub.
