Çinin hazırda texnologiya sahəsində müxtəlif yeniliklərə imza atdığı artıq hərkəsə məlumdur. Belə ki, ABŞ sanksiyalarına baxmayaraq həm elektromobil, həm də texnologiya sahəsində müxtəlif yeniliklərə imza atan çinli şirkətlər rekord idxal göstəricisi əldə edib. South China Morning Post mənbəsinə görə Çinin çip istehsal avadanlıqları idxalı ötən ay ortaya çıxan yeniliklərdən sonra 1050% artıb. Xatırladaq ki, Huawei brendi yeni Kirin 9000s adlı çipsetini bütün məhdudiyyətlərə rəğmən təqdim etdikdən sonra bütün diqqətlər məhz çinli texnologiya nəhənglərinə, xüsusilə də çinli çip istehsalçılarına yönəlmişdi.
Qeyd edək ki, ötən ay çin ümumilikdə 816.8 milyon dollar dəyərində 42 litoqrafiya sistemi idxal edib. Bunlardan 16-sı Hollandiyadan gəlib. Digərləri isə yapon texnologiya nəhəngləri Canon və Nikon tərəfindən göndərilib. Ümumiyyətlə Çində bu litoqrafiya sistemlərinin əsas təchizatçısı ASML-dir. Bu sistemlərinin ixracı ABŞ və Hollandiyadan lisenziya tələb etmədiyi üçün hazırda Çin bu imkandan istifadə edir. Çin qabaqcıl avadanlıqlarla çip istehsalına önəm verir. SCMP-nin hesabatına görə, 2021-ci ilə kimi Çin fabriklərində litoqrafiya sistemlərinin 5%-dən az hissəsi yerli şirkətlər tərəfindən istehsal edilib.
Bu yaxınlara ABŞ ixrac qaydalarında yeni bir dəyişiklik edərək ABŞ texnologiyasına sahib olan bəzi litoqrafiya sistemlərinin ixracında yeniliklər etdi. Belə ki, bu dəyişiklik ASML üçün Twinscan NXT:1980Di sistemlərini Çinli çip istehsalçıları üçün idxal etməyi çətinləşdirdi. Bununla belə ASML-in baş direktoru Peter Wennink-ə görə, əksər çinli çip istehsalçıları bu dəyişikliklərdə təsirlənmir. Onun sözlərinə görə çinli çip istehsalçıları 28nm və daha müasir proses texnologiyalarına diqqət ayırır. Analitiklər isə Çinin idxalının niyə artdığına dair müxtəlif fikirlər səsləndirirlər. Bəziləri bunun ABŞ-ın son ixrac qaydaları qüvvəyə minməmişdən əvvəl həyata keçirilən sürətləndirilmiş daşımalarla bağlı ola biləcəyini düşünür. Habelə çinin ən böyük çip istehsalçılarından olan SMIC gəlirlərinin azalmasına baxmayaraq 2023-cü ildə xərc büdcəsini 7.5 milyard dollara qədər artırıb.
