Müasir dünyada bütün nəqliyyat vasitələri elektrikləşməyə başlayıb. Belə ki, avtomobillərdən sonra indi elektrikli təyyarələrin inkişafı üzərində araşdırmalar davam edir. Bu çərçivədə isə CATL şirkəti elektrikli təyyarələr üçün yüksək həcmli batareya təqdim edərək 3000 km uçuş məsafəsi təmin edir. Ümumiyyətlə, adi təyyarələr elektrik mühərrikinə keçməyə hazırlaşır. CATL isə bu prosesin 2027-ci ilə qədər davam edəcəyini düşünür.
![CATL elektrikli təyyarələr](https://tedroid.com/media/2024/06/catl-elektrikli-teyyareler-3000-km-1.jpg)
Bu günlərdə Çində keçirilən Dünya İqtisadi Forumunda CATL-ın sədri Robin Zeng yüksək sıxlıqlı dartma batareyaları ilə təchiz edilmiş 4 tonluq təyyarənin uğurla sınaqdan keçirildiyini açıqlayıb. CATL bu sınağı dövlətə məxsus təyyarə istehsalçısı COMAC ilə birgə həyata keçirib. Qeyd edək ki, CATL şirkəti 2019-cu ildən bəri müvafiq batareyaların hazırlanması və araşdırılması ilə məşğul olur. Bu batareyaların şarj doldurma sıxlığı 500Wh/kq təşkil edir və elektrik avtomobillərində istifadə edilən mövcud dartma batareyalarından iki dəfə yüksək performansa malikdir. CATL həmçinin bu cür batareyaları yeni elektrikli avtomobillərdə də sınaqdan keçirməyi düşünür.
![CATL elektrikli təyyarələr](https://tedroid.com/media/2024/06/catl-elektrikli-teyyareler-3000-km-1-1.jpg)
Bu mərhələdə əldə edilən uğur CATL rəhbərliyinə 2027-2028-ci illər arasında Çin 8 ton ağırlığında və 2000-3000 km məsafəni doldura bilən təyyarələr istehsal edilməsi ilə bağlı ümidini ifadə etməyə imkan verir. Əlbəttə ki, Boeing 747 sinifli sərnişin təyyarəsinin ümumi uçuş çəkisi 450 tona qədərdir, buna görə də belə təyyarələri elektriklə əvəz etmək çox uzun müddət mümkün olmayacaq, lakin kommersiya seqmentində müəyyən irəliləyişlər müşahidə olunur. CATL prezidenti həmçinin qeyd edib ki, şirkət gələn il daha aşağı istehsal xərcləri, daha uzun istismar müddəti və sıfırdan aşağı temperaturlara daha çox müqavimət ilə xarakterizə olunacaq ikinci nəsil natrium-ion batareyalarını təqdim etməyi gözləyir.