Kriptovalyuta birjası kriptovalyuta dünyasında gender bərabərsizliyi probleminə ətir vasitəsilə yanaşdı. Belə ki, Binance kriptovalyuta və maliyyə müstəqilliyi dünyasına qadınları cəlb etmək məqsədi daşıyan CRYPTO ətirini təqdim edib. Ümumiyyətlə, əməliyyat həcminə görə dünyanın ən böyük kriptovalyuta birjası olan Binance ciddi problemlərlə üzləşib. Bu yaxınlarda şirkət və onun həmtəsisçisi Changpeng Zhao çirkli pulların yuyulmasında təqsirli olduqlarını etiraf etdilər. Həmçinin onlar ABŞ Ədliyyə Nazirliyinə 4,3 milyard dollar cərimə ödəməyə razı oldular.
Binance şirkətinin ABŞ bölməsi ciddi maliyyə problemi ilə üzləşdiyi üçün işçilərinin üçdə ikisini ixtisar etmək məcburiyyətində qaldı və ticarət gəlirləri də 75% azaldı. Eyni zamanda Binance-in marketinq departamenti Beynəlxalq Qadınlar Günü şərəfinə qadınları ətir vasitəsilə kriptovalyutalara cəlb etməyə təşviq edən bir kampaniya başlatdı. Binance marketinq direktoru Rachel Conlan bildirir ki, “Kampaniyamızın məqsədi əylənmək və sərhədləri aşmağa çalışmaqdır. Biz başa düşürük ki, bəzi əks reaksiyalar olacaq, lakin inanırıq ki, bu yanaşma müzakirəni düzgün istiqamətdə açmağa kömək edir, üstəlik, layihə üzərində işləyən komandamızın tamamı qadınlardan ibarətdir”.
“Eau de Binance” kimi də tanınan “CRYPTO”, hər kəsin duş qəbul etməyə vaxtı və ya fürsəti olmadığı zaman gərgin hakatonun son gününün qoxusunu xatırladır. Ümumiyyətlə ətirin qoxusu belə təsəvvür edilir ki, “Bu qoxu təzə və canlandırıcı mehi xatırladan ozon, duz və mamırın təzə notları ilə açılır. Qoxunun mərkəzində ud, naringi və qiymətli ağacların zəngin qarışığı durur. Həmçinin o, müşk-şirin və torpaq qoxusunu yaradır”.
