Bildiyimiz kimi ilk seriyası 2009-cu ildə yayımlanmış Avatar filminin 2-cisi artıq kinoteatrlarda öz yerini almağa başladı. Dünyanın ən çox izlənilən filmləri sırasına daxil olmuş Avatarın, kino sevərlərin sevimli film siyahılarında ilk sıralarda olduğunu demək çətin deyil. Bu qədər bəyənilmiş və maraq görmüş bir filmin davamı Avatar: The Way of Water Yaponiyada kinoteatrların bağlanmasına səbəb olub.
Məşhur rejissor James Cameron imzasını daşıyan və baş rollarda Sam Worthington, Sigourney Weaver və Zoe Saldana olan film izləyicilərin qarşısına çıxsa da kinoteatrlarda xoşagəlməz hallar yaşadıb. Bloomberg, Yaponiyadakı bir çox kinoteatrın Avatar 2 ilə əlaqədar texniki problemlərlə üzləşdiyini açıqladı.
Avatar 2: The Way of Water kinoteatrların proyektorlarını çökdürüb
Keçən həftə nümayiş olunan “Avatar 2: The way of Water” filmi “The First Slam Dunk” adlı anime basketbol filmini keçərək Yaponiyada rekorda imza atdı. Belə ki, ölkədə birdən çox kinoteatrda texniki nasazlıqların olduğunu və bir çox izləyicinin kinoteatrdan uzaqlaşdırıldığını, biletlərin də geri qaytarıldığını bildirib.
Avatar 2: The way of Water 2D 48 fps, 3D 48 fps və sadəcə 24 fps olmaqla bir çox formatda kinoteatrlarda yayımlanır. Bununla belə, bir çox kinoteatrlar yüksək kadr sürəti (HFR) 48 fps oxutmanı dəstəkləmir. Həmçinin, teatrlar hansı formatları oynaya biləcəklərini əvvəlcədən müəyyənləşdirsələr də, HFR-nin məhdud istifadəsi bir sıra səhvlərə gətirib çıxara bilir.
Kinoteatrlar məsələ ilə bağlı açıqlama verməyiblər
Yaponiyadakı United Cinemas Co, Toho Col və Tokyu Corp. kimi kino nəhəngləri isə problemlər barədə hələ ki, açıqlama verməyib. Bununla belə qeyd edilir ki, Yaponiya mərkəzindəki kinoteatrlar 48 fps sürətini ənənəvi 24 fps sürətinə endirməyə məcbur qaldığını bildirib.
