98 milyard dollarlıq sərvəti ilə Asiyanın ən zəngin adamı olan Mukesh Ambani, sürətlə artan tendensiyaya qoşularaq insanabənzər robotlar hazırlayacaq. Süni intellekt texnologiyalarının sürətli inkişafı ilə insanabənzər robotlara investisiyalar da əhəmiyyətli dərəcədə artıb. İndi biz, demək olar ki, hər gün bu robotları təqdim edən fərqli bir şirkət görürük.
98 milyard dollarlıq sərvətlə Asiyanın ən zəngin adamı statusuna malik olan Mukesh Ambani, insanabənzər robotlar hazırlamağa başlayacaq. Hindistanda yerləşən və müxtəlif sektorlarda fəaliyyət göstərən Reliance Industries holdinqinin sahibi məşhur iş adamının dəstəklədiyi robotlar Addverb Technologies adlı şirkət tərəfindən hazırlanacaq. Kksər sektorlarda olduğu kimi, süni intellekt və robot texnologiyaları sahəsində də ABŞ və Çin siyahıda ön sıralardadır. Ambani-nin məqsədi Addverb Technologies ilə öz robotlarını inkişaf etdirmək və bu iki ölkəyə rəqib olmaqdır. Təbii ki, bu mövzuda ciddi sərmayələr qoyan Elon Musk və Jeff Bezos kimi milyarder rəqiblərini də qabaqlamaq istəyir.
Şirkətin baş direktoru və həmtəsisçisi Sangeet Kumarın verdiyi açıqlamalara görə, ilk insanabənzər robotları 2025-ci ildə görəcəyik. Bu robotlar modadan tutmuş enerjiyə qədər bir çox fərqli sektorda işləyə biləcək. İlk ildə 100 ədəd istehsal ediləcəyi, daha sonra isə sayının artırılacağı gözlənilir. Qurğuların hansı vəzifələrə uyğun olacağı və hansı qiymətə satılacağı isə bəlli deyil. Bununla belə, Addverb tərəfindən paylaşılan konsept şəklindən robotların hansı dizayna sahib olacağını görə bilərik. Kiçik fərqləri nəzərə almasaq, ümumiyyətlə bu gün inkişaf etdirilən insanabənzər robotlara bənzədiyini söyləmək mümkündür.
