Apple şirkəti, ənənəyə sadiq qalaraq yeni WWDC 2024 tədbirinin keçiriləcəyi tarixi elan edib. Apple, iPhone-lara süni intellekt xüsusiyyətləri gətirəcək iOS 18-in təqdim ediləcəyi Dünya Tərtibatçılar Konfransının tarixini rəsmi olaraq açıqlayıb. Belə ki, World Developers Conference tədbiri 10-14 iyun 2024-cü il tarixləri arasında baş tutacaq. 2020-ci ildən keçirilən WWDC tədbirlərində olduğu kimi, WWDC 2024 də bütün tərtibatçılar üçün pulsuz onlayn tədbir olacaq.
Qeyd edək ki, Apple şirkəti, iOS 18, iPadOS 18, tvOS 18, macOS 15, watchOS 11 və VisionOS 2-ni təqdim etmək üçün bazar ertəsi, iyunun 10-da WWDC24 təqdimat tədbirini keçirəcək. Tədbiri Apple Developer proqramı, Apple saytı və YouTube vasitəsilə canlı izləmək mümkün olacaq. Həmçinin Apple tədbir zamanı videolar da paylaşacaq. WWDC 2024 onlayn tədbir olsa da, Apple açılış günündə bəzi tərtibatçılar və tələbələr üçün Apple Park kampusunda keçiriləcək xüsusi tədbiri yenidən planlaşdırır.
İştirakçılar Apple Park-da əsas çıxışı və State of Union təqdimatını izləyə biləcəklər. Onlar həmçinin Apple əməkdaşları ilə görüşə və Apple Dizayn Mükafatlarında iştirak edə biləcəklər. Beləliklə, WWDC24 iyunun 10-da tərtibatçılara Apple Park-da əsas tədbiri izləmək, Apple əməkdaşları ilə görüşmək və xüsusi tədbirlərdə iştirak etmək imkanı verəcək şəxsi təcrübə təqdim edəcək. Bu il tədbirin iOS 18 təqdimatı ilə başlanılması gözlənilir. Çünki, Apple iOS 18 yenilənməsini iPhone modelləri üçün ən böyük yenilənmə hesab edir.
