Bildiyimiz kimi, Apple şirkəti ötən günlərdə özünün ən yeni VR eynəyi olan Apple Vision Pro modelini satışa çıxarmışdı. Hətta bu eynəklərin bir neçə saat ərzində satın alınıb tükənməsi gündəm mövzusu olmuşdu. İndi isə məlum olub ki, qara bazar satıcıları AIO adlı botlarla çoxlu sayda Apple Vision Pro almağa müvəffəq olublar. 3499 qiymət etiketi ilə satışa çıxarılarn Apple Vision Pro bu yaxınlarda ABŞ-da satışa çıxarılmışdı və sadəcə məhdud saya malik idi.
Ümumiyyətlə çoxlarının maraqlandığı və məhdud sayda olan məhsullar hər zaman qara bazar satıcıları üçün diqqət mərkəzində olub. Məhz yeni Apple Vision Pro modeli də həm bahalı, həm də məhdud sayda olması ilə qara bazar satıcılarının radarına daxil olub. Maraqlısı budur ki, Apple tərəfindən təqdim edilən Apple ID və üz skanı kimi qorunma sistemlərinə baxmayaraq qara bazar satıcıları inkişaf etdirdikləri AIO adlı botlarla çoxlu sayda Vision Pro modeli sifariş edə bilib. Hətta təhlillər göstərir ki, yalnız bir bot 1592 ədəd Vision Pro modelini əvvəlcədən sifariş edib.
Qeyd edək ki, qara bazar məsələsi Apple və onun məhsulları üçün ilk dəfə ortaya çıxan təhlükə hesab olunmur. Daha əvvəllər də qara bazarda milyonlarla dollar dəyərindən iPhone 15 satın alınmışdı. Qara bazar məsələsi ümumi olaraq istifadəçilərin həm smartfonlardan, həm də vision pro modelindən istifaədə etməsini gecikdirir. Apple dəfələrlə bunun qarşısını almağa çalışsa da, qara bazar satıcıları hər dəfə yeni botlarla və fərqli metodlarla yenidən ortaya çıxır. Məhz bu dəfə də ortaya çıxan AIO adlı bot bütün təhlükəsizlik metodlarını aşa bilib.
