Son zamanlarda Twitter sosial şəbəkəsini aldıqdan sonra Elon Musk etdiyi yeniliklər ilə gündəmdən düşmürdü. Bu gün gecə saatlarında Elon, tvitləri ilə yenidən gündəmə gəlib. Belə ki, gecə saatlarında Elon Musk Twitter sosial şəbəkəsində Apple şirkətinin icraçı direktoru olan Tim Cook-a reklamlar ilə bağlı reaksiya verib. Qeyd edək ki, Apple şirkəti cavab olaraq Elonu Twitteri App Store mağazasından silməklə hədələyib.
Apple şirkəti Twitter tətbiqində reklamını böyük miqyasda dayandırıb!
Twitter sosial şəbəkəsinin yeni sahibi olan Elon Musk sosial şəbəkənin gəlir əldə etməsi üçün bəzi yeniliklər etmişdi. Lakin Apple şirkətinin Twitter platformasında reklamı dayandırması Elon Musk-ın işini puç edib. Tesla və SpaceX kimi şirkətlərin baş icraçı direktoru olan Elon Musk, gecə saatlarında bu hadisə ilə bağlı tvit paylaşıb. O öz tvitində, “Amerikada söz azadlığına nifrət edirlərmi?” ifadəsini yazıb sonra isə Apple şirkətinin baş icraçı direktoru olan Tim Cook-u etiketləyib. Bu tvitdən sonra isə Elon, “Nə baş verir?” ifadəsini paylaşıb.
Musk daha sonra “Apple başqa kimləri senzura edib?” tviti ilə reaksiyasını davam etdirib. Milyarder bu paylaşımında Amerikanın Texnologiya nəhəngini senzura (Kütləvi İnformasiya Vastiələri üzərində məzmun yayılmasına nəzarət prinsipi) adlandırıb. Bu reaksiyaların ardınca isə Elon Musk, Apple şirkətinin onu Twitter sosial şəbəkəsini App Store mağazasından silmək ilə hədələdiyini bildirib. Qeyd edək ki, o bu iddiasına heç bir əsas göstərməyib. Apple şirkəti də bunun yalan olduğuna dair heç bir cavab verməyin. Əlavə olaraq isə Elon Musk, Apple şirkətinin App Store-dakı hər hansı bir proqram daxilində edilən hər hansı maliyyə əməliyyatından 30% “gizli vergi” aldığını iddia edib.
Əslində Elon Musk öz ifadələrində müəyyən qədər həqiqət payına sahib olsa da, Twitter-in bu çətin dövrdə Apple ilə döyüşə girməsi və App Store-dan silinmək təhlükəsi ilə üzləşməsi sosial media üçün yaxşı nəticələnməyə bilər. Lakin Elon Musk ötən gün bildirmişdi ki, tətbiq mağazalarından Twitter silinəcəyi təqdirdə “smartfon” istehsalı planına starta verəcəklər. Yəni nəticədə proses daha da qəribə və maraqlı bir hal alacaq.
