Apple-ın icraçı direktoru Eddy Cue, Apple-ın süni intellektlə dəstəklənən axtarış sistemləri üzərində fəal şəkildə araşdırmalar apardığını və bununla bağlı konkret addımların atılacağını açıqlayıb. Bildiyimiz kimi, Apple, Google ilə milyardlarla dollarlıq defolt axtarış sistemi müqaviləsini sona çatdırmaq istədiyi üçün süni intellektlə işləyən axtarış sistemlərini Safari brauzerinə inteqrasiya etməyi planlaşdırır.
ABŞ-da davam edən inhisar davasının bir hissəsi olaraq, Google axtarış sahəsində üstünlüyünü qorumaq üçün mümkün dəyişiklikləri qiymətləndirir. Bu prosesdə isə Apple heç də Google-dan asılı deyil. Belə ki, məhkəmənin Google ilə illik 20 milyard dollarlıq sövdələşməni dayandırmaq qərarı verəcəyi təqdirdə şirkət problemin həlli üçün alternativ yollar axtarmağa başlayıb. Apple Xidmətləri üzrə Baş Vitse-Prezident Eddy Cue məhkəmədə bildirib ki, şirkət süni intellektlə işləyən axtarış sistemlərini Google-un əvəzinə Safari-yə inteqrasiya etmək üçün “aktiv şəkildə tədqiq edir”.
Cue, istifadəçilərin süni intellekt alətlərinə getdikcə daha çox müraciət etdiyi üçün aprel ayında Safari axtarışlarının azaldığını bildirib. Cue hesab edir ki, süni intellektə əsaslanan axtarış sistemləri gələcəkdə Google kimi ənənəvi axtarış nəhənglərini əvəz edə bilər. Hələlik bu şayiə olsa da, Apple-ın OpenAI və Safari üçün Perplexity kimi nəhənglərlə əməkdaşlıq etməyi düşündüyü deyilir. Süni zəka axtarış sistemlərinin təsirli olması üçün axtarış indekslərinin tamamilə yenilənməsi lazım olduğunu ifadə edən Cue, bu dəyişikliyin qısa müddətdə tamamlana bilməyəcəyini, ancaq süni zəka axtarışlarından istifadə edərək bu dəyişikliyi cazibədar edəcək digər xüsusiyyətlər üzərində çalışdıqlarını da sözlərinə əlavə edib. Bundan əlavə, Apple-ın Apple Intelligence xüsusiyyətlərindən biri olan Visual Intelligence, Google ilə ortaq işləyən bir sistem olduğundan, Apple bu sistemi də yenidən qurmalı ola bilər.
