Texnologiya nəhəngi Apple, iPhone batareyalarının dəyişdirilməsini əvvəlkindən daha asan etmək istəyir. Belə ki, “The Information”ın xəbərinə görə, “Apple” iPhone batareyalarının dəyişdirilməsi üçün yeni yapışqan ayırma texnologiyası üzərində işləyir.
Bu yeni texnologiya çərçivəsində batareyanın hal-hazırda olduğu kimi folqa yerinə metal ilə örtüləcəyi deyilir. Bildirilir ki, bu yolla insanlar kiçik bir elektrik cərəyanı tətbiq edərək batareyanı gövdədən rahatlıqla ayıra bilərlər. Əslində belə bir proses maraqlı səslənir və ilk addımın iPhone 16 ailəsindəki bir modeldə atılacağı bildirilir. İddia olunur ki, Apple nəticələrdən asılı olaraq bu texnologiyanı bütün iPhone 17 ailəsinə daxil edə bilər. Yenə də, daha əvvəl The Information tərəfindən paylaşılan xəbərə görə, Apple yaxın bir neçə il ərzində iPhone istehsal/quraşdırma xəttlərində çalışan işçilərin sayını 50 faizə qədər azaltmaq istəyir.
Apple-ın daha əvvəl yüksək xərclər səbəbiylə dayandırdığı bəzi tədarük zənciri və istehsalın avtomatlaşdırılması layihələrini yenidən masaya gətirdiyi də verilən məlumatlar arasındadır. Bu planların arxasında Apple-ın əməliyyatlar üzrə baş vitse-prezidenti Sabih Khan dayanır və xüsusilə telefon istehsalını avtomatlaşdırmaq üçün lazım olan maşınların yüz milyonlarla dollara başa gələ biləcəyi xatırladılır. Məlumata görə, Apple-ın daha yüksək avtomatlaşdırmaya keçmək istəməsinin səbəbi daha çox qazanc əldə etməkdənsə, kadr çatışmazlığından qaynaqlanan gecikmələri aradan qaldırmaqdır. Apple həmçinin qatlana bilən iPhone üzərində işləyir. İlk qatlanan ekranlı iPhone modeli 2027-ci ildə çıxa bilər və analitiklərin fikrincə, smartfon Huawei Mate Xs 2-yə oxşar dizayna sahib olacaq.
