Ötən günlərdə hərkəs yeni iPhone 15 seriyası ilə maraqlanarkən, iPhone 12 ilə bağlı gözlənilməz xəbər gündəmə gəlmişdi. Belə ki, iPhone 12 modeli SAR dəyəri yüksək olduğu üçün Fransada qadağan edilmişdi. İndi isə Apple iPhone 12 SAR insidentinə son nöqtəni qoyaraq, problemi aradan qaldıracaq yenilənmə təqdim edəcəyini elan edib. Xatırladaq ki, Fransanın radiotezliklər üzrə tənzimləyici orqanı texnologiya nəhəngini hazırda satılan iPhone 12 modellərinin standartlara uyğunlaşdırılması üçün rəsmi bildiriş göndərmişdi. Texnologiya nəhəngi isə bu bildirişə rəsmi olaraq cavab verərək problemin yenilənmə ilə aradan qaldırılcağını bildirib.
Maraqlısı budur ki, Apple texniki dəstək işçilərinə iPhone 12 modellərində meydana gələn SAR dəyərinin yüksək görünməsi problemi ilə bağlı danışmağı qadağan edib. Belə ki, yayılan xəbərlərdən sonra şirkətə avropadan o qədər müraciət daxil olub ki, axırda belə bir çıxış yolu tapıb. Həmçinin Apple bu problemi kökündən həll edə bilmək üçün iPhone 12 modellərinə yenilənmə gətirəcək. Şirkət bildirib ki, “Fransadakı istifadəçilər üçün smartfonlarımızı Fransız tənzimləyiciləri tərəfindən istifadə olunan protokola uyğunlaşmaq üçün proqram yeniləməsini buraxacağıq. Biz iPhone 12-nin Fransada satışda davam etməsini səbirsizliklə gözləyirik”.
Fransadakı problem bununla həll edilsə də, iş bununla bitməyəcək. Belə ki, bu xəbər çox geniş miqyasda gündəmə gəldiyi üçün qonşu dövlətlərdə araşdırmalara başlayıb. Hətta Belçika iPhone 12 modellərinin SAR statusu ilə bağlı araşdırmaya artıq başlayıb. Maraqlısı budur ki, Apple iPhone 12 modellərinin 2020-ci ildə təqdim etmədən əvvəl qlobal radiasiya standartlarına uyğun olması üçün beynəlxalq təşkilatlar trəfindən dəfələrlə təsdiqlətdirib. İndi isə ortaya çıxır ki, smartfon bütün standartları alt-üst edir.
