ABŞ-da yerləşən bazar araşdırması şirkəti International Data Corporation (IDC) yeni hesabatında geyilə bilən cihazların qlobal tədarükünü müzakirə edib. Belə ki, ilin üçüncü rübünün məlumatlarını özündə əks etdirən hesabata görə, Apple geyilə bilən cihaz bazarında liderliyini itirərək ikinci yerə düşüb. ABŞ nəhənginin boş qalan yerini onun Çinli rəqibi Huawei tutub.
DC-nin məlumatına görə, biləyə geyilən cihazlar bazarında ən böyük paya malik ölkə olub. 2024-cü ilin ilk üç rübündə Çinə 45,8 milyon cihaz tədarük edilib. Bu rəqəm əvvəlki illə müqayisədə 20,1 faiz artım göstərsə də, dünya miqyasında artıma əhəmiyyətli töhfə verib. Xüsusilə ağıllı saatlarda Çin bazarında 23,3 faiz artım olub və tədarüklər 32,9 milyon ədədə çatıb. Qlobal miqyasda 112,2 milyon smart saat tədarük edilib, lakin bu rəqəm 3,8 faiz azalma deməkdir. Qolbaq kateqoriyasında 12,7 faiz artım qeydə alınıb və dünya üzrə 26,8 milyon ədəd tədarük edilib. Çin bu sahəyə 23,6 faiz artaraq 12,9 milyon ədəd töhfə verib.
Huawei, ildən-ilə güclü artımla biləyə geyilən cihaz tədarüklərində lider olmaqla Apple-ı qabaqlayıb. Şirkət xüsusilə GT5 və GT5 Pro modelləri ilə diqqət çəkib. Bundan əlavə, tibbi cihaz kimi təsdiqlənən ikinci nəsil Watch D2 modeli bu müddət ərzində Huawei-yə ciddi töhfə verib. Apple üçüncü rübdə Series 10 modeli ilə qısa müddət ərzində qlobal liderliyə nail olsa da artan rəqabət səbəbindən bazar payında azalma yaşayıb. Daha geniş qiymətlər və xüsusiyyətlər təklif edən rəqib brendlər Apple-ın böyümə sürətini yavaşladıb.
