Bu ilin fevral ayında Apple-ın əvvəlki on ildə öhdəsinə götürdüyü və təxminən 10 milyard dollar xərclədiyi öz elektrik avtomobilini yaratmaq səylərindən imtina etdiyi iddiaları ortaya çıxmışdı. İndi isə şirkətin elektromobil hazırlamaq üçün ciddi şəkildə irəliləyiş əldə etdiyi, hətta bəzi əməkdaşlıqlar etdiyi məlum olub. Belə ki, Bloomberg-in məlumatına görə, Apple əməkdaşlığı BYD-yə elektomobillər üçün daha yaxşı batareyalar hazırlamağa kömək edib.
Qeyd edək ki, Çinin BYD şirkəti dünyada elektrik avtomobilləri üçü batareya istehsalı üzrə ikinci şirkət hesab olunur. Bir il əvvəl Amerika şirkəti hətta Tesla-nı liderlik mövqeyindən kənarlaşdıra bilsə də, artıq Tesla əvvəlki mövqeyinə geri qayıtmağı bacarıb. Bloomberg-ə görə, Apple və BYD-nin daha yaxşı çəkmə gücünə malik batareyaların istehsalı üzrə əməkdaşlığı 2017-ci ildə başlayıb. Bu əməkdaşlıq sayəsində BYD bütün diqqətini batareya dizaynı və hüceyrə qablaşdırma texnologiyasının optimallaşdırılmasına yönəldib. Apple bu sahədə BYD ilə bəzi fikirləri bölüşüb və batareyalarının soyutma sistemini optimallaşdırıb.
BYD nümayəndələri isə Bloomberg nəşri ilə bağlı şərh verməkdən imtina edərək bildiriblər ki, Blade batareyaları ailəsində həyata keçirilən bütün ideyalar və texnologiyalar onun özünə məxsusdur və üçüncü tərəf şirkətlərinin heç bir təsiri yoxdur. Eyni zamanda, Bloomberg-in məlumatına görə, Apple əvvəlcə BYD ilə birgə işlənmiş texnologiyalardan şirkətin elektromobili üçün dartma batareyalarının istehsalında istifadə etməyə ümid edirdi. Daha sonra şirkətlər yollarını ayırıblarr və Apple sonrakı mərhələlərdə digər dartma batareyası təchizatçılarına diqqət yetirib. Nəticədə isə texnologiya nəhəngi elektrik avtomobilləri istehsal etmək fikrindən tamamilə imtina edib.
