Google-a qarşı qaldırılan rəqabət iddası bu yaxınlarda yekunlaşıb və axtarış nəhənginin “qanunsuz monopoliya”ya sahib olduğuna qərar verilib. Bu vəziyyət Apple-ın Google-dan aldığı 20 milyard dolları təhlükə altına sala bilər. ABŞ hökumətinin 2020-ci ildə açdığı son dərəcə mühüm antiinhisar işində Google-un axtarış və mətn reklamı bazarlarında monopoliyaya malik olduğu qərara alınıb. Hələlik şirkətə qarşı heç bir cinayət cəzası tətbiq edilməyib, lakin bu nəticədən sonra uzunmüddətli hüquqi mübarizənin başlayacağı gözlənilir. Digər tərəfdən, Apple-ın Google ilə yüksək gəlirli razılaşması monopoliya iddiasından sonra risk altında ola bilər. Belə ki, Apple hər il Google şirkətindən aldığı 20 milyard dolları itirmək təhlükəsi ilə üz-üzədir.
Google-un “qanunsuz monopoliya” olması qərarı şirkəti irimiqyaslı rəqabət idialarının gözlədiyindən xəbər verir. Hər nə qədər axtarış nəhəngi bu qərarın yenidən baxılması üçün müraciət edəcəyini bildirsə də, təbii ki, bunun üçün bir müddət tələb olunur. Analitiklərə görə, Google antiinhisar iddialarından qaçmaq üçün axtarış sistemini Apple cihazlarında standart edən müqaviləni ləğv etməli ola bilər. Belə ki, Google iPhone və iPad kimi Apple cihazlarında standart axtarış sistemi olmaq üçün Apple-a hər il 20 milyard dollar və ya Safari vasitəsilə əldə edilən reklam gəlirinin təxminən 36 faizini ödəyir. Analitiklərin fikrincə, iki şirkət arasında bu razılaşma pozularsa, Apple-ın mənfəətində 4-6 faiz azalma müşahidə oluna bilər.
Məlumatlara görə, Apple və Google arasında bu müqavilə 2026-cı ilin sentyabr ayına qədər qüvvədədir və Apple birtərəfli qaydada müqaviləni daha 2 il uzatmaq hüququna malikdir. Bu əməkdaşlığın gələcəyi hələlik qeyri-müəyyəndir, lakin, Google-un artıq standart axtarış mühərriki olması üçün pul ödəməsinin qarşısı alınmalı və ya Apple şirkətinin istifadəçilərinə fəal şəkildə müdaxilə etməsinin qarşısı alınmalıdır. Bununla belə, tərəfdaşlıq ləğv olunarsa, Apple müştərilərə Microsoft-un Bing və ya OpenAI tərəfindən dəstəklənən yeni axtarış məhsulu kimi alternativlər təklif edə biləcək.
