Elektrikli avtomobil şarj stansiyaları indi problemləri ilə gündəmdədir. Belə ki, şarj stansiyalarının qulluğu və onların işlək vəziyyətdə saxlanılması böyük əhəmiyyət kəsb edir. ABŞ-da aparılan bir araşdırma, şarj stansiyalarının qeyd ediləndən daha çox problemə sahib olduğunu ortaya çıxarıb.
Ümumiyyətlə, elektrikli nəqliyyat vasitələrinin yayılması ilə şarj stansiyalarının sayı sürətlə artır. Bununla belə, mövcud şarj stansiyalarının qulluğu və onların işlək vəziyyətdə saxlanılması da böyük əhəmiyyət kəsb edir. ABŞ-da aparılan araşdırma bu mövzuda böyük problemlərin olduğunu ortaya qoyur. Elektrikli avtomobil şarj cihazı əməliyyatları və texniki xidmət həlləri təqdim edən bir şirkət olan ChargerHelp, monitorinq etdiyi 20 min şarj cihazından əldə etdiyi 4 illik məlumatlardan istifadə edərək, şəbəkəyə bağlı stansiyaların öz-özünə bildirdiyi iş vaxtını faktiki iş saatları ilə müqayisə edib.
Tədqiqat göstərir ki, şarj cihazları müxtəlif səbəblərdən sıradan çıxa bilər. Bunlara qırılan kabellər və birləşdiricilər, sınmış ekranlar, işlək olmayan ödəniş sistemləri, kabellərin çəkilmə sistemindəki problemlər və kabinənin ümumi zədələnməsi daxildir. ChargerHelp hesablayıb ki, monitorinq edilən şarj cihazlarında faktiki işləmə müddəti 73,7% təşkil edib ki, bu da şarj stansiyası təminatçıları tərəfindən bildirilən 84,6% göstəricidən aşağıdır. Bundan əlavə, təhlil edilən bütün stansiyaların 26%-i proqram təminatında göstərilən iş vəziyyətinə uyğun gəlmir. Tədqiqat həmçinin sürücülərin şarj cihazına uğurla qoşula bilmədiyi bir neçə vəziyyəti sadalayır. Bunlara proqramda mövcud olan, lakin reallıqda olmayan xəyali stansiyaları və əslində mövcud olan və işləyən, lakin proqramda görünmədiyi üçün sürücülər tərəfindən əldə edilə bilməyən “zombi” stansiyalar daxildir. ChargerHelp iddia edir ki, proqram təminatının qarşılıqlı fəaliyyəti və şəbəkə məlumatlarının paylaşılması bu problemlərin həllinə kömək edə bilər.
