Ford Mustang Mach-E tək şarjla 917 km qət edərək yeni bir rekord qırmağı bacarıb adını Ginnesin Rekordlar Kitabına yazdırıb. 24 saatlıq səyahət zamanı Mach-E təsir edici istehlak dəyərinə çatmağı bacarıb. Xatırladaq ki, bu avtomobillər hazırda ABŞ-da sürücüsüz taksi kimi də fəaliyyət göstərir.
24 saatdan çox davam edən səfər zamanı, nəqliyyat vasitələrinin izlənilməsi və idarə edilməsi şirkəti Webfleet tərəfindən təsdiqlənib. 100 km üçün 10 kVt enerji sərfiyyatına çatmağı bacaran Ford Mustang Mach-E Premium Extended Range arxa ötürücülü modeli 91 kVt/saat batareya ilə WLTP standartlarına uyğun olaraq 600 km məsafə qət etmə imkanı təqdim edir. 18 düymlük təkər disklərinə sahib olan elektromobil Birləşmiş Krallıqda şəhər və kənd yollarında rekord cəhdində 10 kVt/100 km təsirli istehlak dəyərinə çatıb. Rekord cəhdi edən sürücülər Kevin Buker və Sem Klark batareyanın 0% göstərməsindən sonra daha 34 km məsafə qət edə biliblər. 24 saatlıq rekord cəhd zamanı orta sürət 38 km/saat olaraq qeydə alınıb.
Klark və Buker enerji sərfiyyatı və yanacaq qənaətində əvvəlki rekordları da qırmağı bacarıblar. Buker, bu uğurun daha çox insanın gündəlik səyahətlərində elektrikli nəqliyyat vasitələrini nəzərdən keçirməsinə səbəb olacağına ümid etdiyini bildirib. Çinli Zeekr, keçən ilin sentyabrında Hangzhou-da bir dəfə şarjla 907 km məsafə qət edərək bu titula sahib olmağı bacarmışdı. Bu vaxt Nio-nun baş direktoru William Li, 150 kWh yarı bərk hal batareya paketinə sahib olan yeni ET7 modeli ilə 1044 km-lik səyahəti canlı yayımladı, lakin Guinness bu məsafəni təsdiqləmədi. Ford Mustang Mach-E-nin 917 km rekordu təsir edici olsa da, bu rekordun daim inkişaf edən və artan batareya tutumları ilə tezliklə qırılacağına şübhə yoxdur.
