Almaniyanın Zeit Online qəzeti bazar ertəsi bildirib ki, Almaniya 5G simsiz əhatə dairəsini genişləndirmək üçün ölkədə xidmət göstərən Çinin Huawei və ZTE şirkətlərinə məxsus avadanlıqdan istifadə etməyi qadağan etməyi düşünür. Lakin bəzi telekommunikasiya operatorları haz-hazırda bu şirkətlərin komponentlərindən istifadə edir. Federal hökumət Almaniyanın mobil şəbəkələrində Çin texnologiyasından istifadəni əhəmiyyətli dərəcədə məhdudlaşdırmağı planlaşdırır”, – Handelsblatt qəzeti hökumətə yaxın mənbələrə istinadən bildirib.
5G infrastrukturunda Çin komponentlərinin istifadəsinə qoyulan qadağa Huawei və ZTE avadanlıqlarından istifadə edən Deutsche Telekom, Vodafone və Telefónica şirkətlərinə təsir edəcək. Operatorlar lazımi dəyişiklikləri isə öz hesablarına etməli olacaqlar. Bəzi iddialara görə Huawei və ZTE şirkətinin Çinin təhlükəsizlik xidmətləri ilə sıx əlaqədədir. Onların gələcəyin hər yerdə yayılmış mobil şəbəkələrinə daxil edilməsi Çin casuslarına və hətta təxribatçılara mühüm infrastruktur sahələrinə giriş imkanı verə bilər.
Huawei, ZTE və Çin hökuməti bu iddiaları rədd edərək, Çinli olmayan rəqibləri dəstəkləmək üçün uydurulmuş yalandan ibarət olduğunu söyləyir. Huawei sözçüsü, bəzi komponentlərin istifadəsinə qadağa qoyulması ilə bağlı suallara cavab verməkdən çəkinib. Şirkətin Almaniyaya və dünyanın qalan hissəsinə texnologiyasını çatdırdığı 20 il ərzində çox yaxşı təhlükəsizlik rekordu olduğunu qeyd etdi. Nəticə etibarilə Almaniya hökuməti qorxur ki, bu şirkətlərə məxsus avadanlıqların ölkənin 5G şəbəkələrində istifadəsi Çin casuslarına Almaniyanın infrastrukturuna daxil olmağa imkan verəcək. Əvvəllər eyni məhdudiyyətlər ABŞ tərəfindən də qoyulmuşdu.
