ABŞ Ədliyyə Nazirliyi Google-un ana şirkəti Alphabet-in qəsdən monopoliyaya çevrildiyi barədə qərar çıxarıb. Belə ki, Ədliyyə Departamenti Google-un parçalanması da daxil olmaqla müxtəlif variantları nəzərdən keçirir. Beləliklə, ABŞ Google şirkətinin monopoliya qurduğu üçün hissə-hissə parçalamağı düşünür.
Bir müddət əvvəl ABŞ Ədliyyə Nazirliyi tarixi bir qərarla Google-un ana şirkəti Alphabet-in qəsdən monopoliyaya çevrildiyinə qərar verib. İndi isə, ABŞ Ədliyyə Departamenti Alphabet-in parçalanması da daxil olmaqla bir sıra təkliflər hazırlayır. Xatırladaq ki, ABŞ daha əvvəl Microsoft şirkətini də tarixi qərar ilə bölməyə çalışsa da, buna nail ola bilməmişdi. ABŞ hökuməti tərəfindən 2020-ci ildə açılan əlamətdar antiinhisar işində Google-un iki bazar sahəsində qeyri-qanuni monopoliyaya malik olduğu qərara alınıb.
Belə ki, Ədliyyə Departamentinin qərarına görə, Google axtarış və mətn reklamı sahələrində rəqibsizdir. İndi bu qərarın hansı nəticələrə gətirib çıxaracağı dəyərləndirilir. Qeyd edilən ilk seçim Google-u hissələrə bölməkdir. Məlumatlara görə, Ədliyyə Nazirliyinin seçimləri arasında Google-u rəqibləri ilə daha çox məlumat paylaşmağa məcbur etmək və onun süni intellekt məhsullarında ədalətsiz üstünlük əldə etməsinin qarşısını almaq üçün tədbirlər görmək daxildir. Bloomberg-in hesabatına görə, Ədliyyə Departamentinin hüquqşünaslarının ən çox müzakirə etdiyi həll yollarından biri Android əməliyyat sistemindən imtinadır. Bundan başqa, Google-un internet brauzeri Chrome və AdWords platformasının satışa məcbur edilməsi də müzakirə mövzusudur. Əgər Ədliyyə Departamenti Google-u bölmək qərarına gəlsə, bu, tarixdə ən böyük korporativ parçalanma olacaq.
