ABŞ, tarixi hesab eilən antiinhisar məhkəməsində Google şirkətinin monopoliya olduğunu qərar almışdı. Belə ki, indi ABŞ, rəqabəti bərpa etmək üçün Google-u parçalamağı belə nəzərdən keçirir.
ABŞ hökuməti tərəfindən 2020-ci ildə açılan əlamətdar antiinhisar məhkəməsində federal hakim Amit Mehta keçən avqust ayında Google-un iki bazar sahəsində qeyri-qanuni monopoliyaya malik olduğuna qərar verib. Şirkətin əsasən axtarış və mətn reklamı ilə monopoliyaya malik olduğuna qərar verilib. İndi isə ABŞ Ədliyyə Nazirliyinin hüquqşünasları şirkətin qeyri-qanuni davranışını düzəltmək və axtarış sistemləri bazarında rəqabəti bərpa etmək üçün həll yolları təklif etməyə başlayıblar. Bu təkliflər arasında Google-un parçalanması belə var.
Ədliyyə Nazirliyi tərəfindən dərc edilən 32 səhifəlik faylda həm davranış, həm də struktur həllərin qiymətləndirildiyi bildirilir. Ədliyyə Departamentinin təklif etdiyi həll yolları amerikalıların, xüsusən də internetdə məlumat tapmaq üsulunu kökündən dəyişdirmək potensialına malikdir. Bu tənzimləmələr Google-un gəlirlərini azaltsa da, rəqibləri üçün böyümə imkanları təmin edəcək. Təklif edilən həll yolları arasında Chrome, Android və ya Google Play kimi biznes bölmələrinin məcburi şəkildə əllərindən alınması kimi tədbirlərin də olduğu bildirilir. Bundan əlavə, Ədliyyə Departamenti Google tərəfindən axtarış üçün istifadə olunan indeksləri, məlumatları və modelləri və süni intellektlə dəstəklənən axtarış funksiyalarını rəqiblərin istifadəsinə verməyi nəzərdən keçirir.
Tədbirlər həmçinin Google-un keçmiş dominantlığının süni intellekt sahəsinə keçməsinin qarşısını almaq məqsədi daşıyır. Ədliyyə Departamenti həmçinin məhkəmədən Google-un axtarış sisteminin əvvəlcədən quraşdırılması və ya yeni cihazlarda standart olaraq təyin edilməsi üçün etdiyi ödənişlərə son qoymağı xahiş edə bilər. 2021-ci ildə Google axtarış sisteminin standart olaraq qalmasını təmin etmək üçün Apple və digər cihaz istehsalçılarına hər il 26,3 milyard dollar ödəyib. Google, təklif olunan qaydaların “radikal” olduğunu və bu tələblərin işin konkret hüquqi məsələlərindən kənara çıxdığını bildirib.
