Bazar araşdırmalarına görə, Samsung ABŞ-da ən çox satılan telefon markası olmaq üçün Apple şirkətini geri salmağı bacarıb. Cənubi Koreya şirkəti hazırda ABŞ-da ən çox smartfon satan marka adını qazanıb. Ümumiyyətldə 2024-cü il smartfon bazarında gözlənilməz inkişafın şahidi oldu. Uzun illər ABŞ bazarında lider olan Apple taxt-tacını Samsung-a itirib.
![Apple Samsung geri](https://tedroid.com/media/2024/07/apple-samsung-geri-qalib.webp)
Son məlumatlara görə, Samsung ABŞ-da ən çox satılan telefon markası olub. Bazar araşdırmalarını paylaşan CIRP, ABŞ-da Apple və Samsung-un telefon satışlarını müqayisə edib. ABŞ-da smartfon satışlarında Samsung-un 38 faiz paya sahib olduğu, Apple-ın payının isə 33 faiz olaraq qaldığı bildirilib. Bununla yanaşı, Motorola 13 faiz payla üçüncü, Google isə 6 faizlə dördüncü yerdə qərarlaşıb. Samsung iPhone-larla müqayisədə daha sərfəli modellər təklif edərək geniş istehlakçı kütləsinə müraciət etməyi bacarıb. Xüsusilə Galaxy A seriyası bu mövzuda önə çıxan modellər arasındadır. Apple ümumiyyətlə iPhone modelləri ilə yuxarı seqment bazarında görünür.
Apple-ın bazar payının azalması müxtəlif səbəblərlə əlaqələndirilir. Bu səbəblər arasında isə yüksək qiymətlər, yeni modellərdə cəlbedici innovasiyanın təklif olunmaması və tədarük zəncirindəki problemlər kimi amillər yer alır. Apple şirkətindən fərqli olaraq Samsung daha aşağı seqmentdə Galaxy A kimi smartfon seriyaları ilə bazar payının geniş hissəsini öz əlinə almağı bacarıb. Beləliklə, Samsung Apple şirkətinin ABŞ-da geri salmağı bacarıb.