Bir neçə müddətdir ki, Google şirkəti çıxılmaz vəziyyətdədir. Belə ki, ABŞ Ədliyyə Departamenti Google şirkətinin rəqabətə maneo olduğunu düşünür. Hətta məhkəmə prosessində bu iddiaları dəstəkləyən bəzi fikirlər də ortaya çıxıb. Qeyd edək ki, ötən günlədə Microsoft şikrətinin baş direktoru Satya Nadella məhkəmədə google əleyhinə ifadə vermişdi. O bildirmişdi ki, Google Microsoft şirkətinin Bing axtarış sistemi ilə haqsız rəqabət aparır. Hətta Google şirkətinin rəqiblərinin yolunu kəsdiyi bildirilimişdi. İndi isə ortaya çıxıb ki, Apple Google əvəzinə bir zamanlar DuckDuckGo axtarış sistemi ilə maraqlanıbmış.
Məhkəmə prosesində DuckDuckGo direktoru Gabriel Weinberg bildirib ki, ilk dəfə 2016-cı ildə Apple şirkəti ilə danışıqlar başlayıb. Daha sonra isə müvafiq olaraq 2017, 2108-ci ildə bu danışıq prosesləri inkişaf etdirilib. Nəhayət 2019-cu ildə danışıq prosesləri yekunlaşdırılıb. Lakin Apple bildirib ki, Google ilə olan müqavilə şirkətin necə deyərlər əlini-ayağını bağlayıb. Məhz bu gün texnologiya nəhəngləri, Google rəqibləri məhkəmədə bu vəziyyət ilə bağlı irad bildirirlər. Maraqlısı budur ki, Google bu qədər iddiaların heçbrini qəbul etmir. Texnologiya nəhəngi bildirir ki, Google axtarış mühərriki daha təkmilləşmiş olduğu üçün Apple və digərləri onunla əməkdaşlığa davam edir.
Lakin Google iddiaları təkzib etməklə heç də özünü təmizə çıxara bilmir. Çünki, iddialar çox güclüdür. Hətta bu həftənin əvvəlində Microsoft şirkətinin baş icraçı direktrou Satya Nadella da iş üzrə məhkəmədə ifadə verib. Onun fikrincə Google haqsız rəqabət apardığı üçün və rəqiblərinə heçbir imkan tanımadığı üçün məhkəmədə cəzalandırılmalıdır. Texnologiya sahəsindəki rəqabət balanslaşdırılmalıdır.
