Google şirkəti Android smartfonlar üçün yeni avtomobil kamerası xüsusiyyəti üzərində çalışır. Belə ki, bu xüsusiyyət Google Play mağazasında təsadüfən sınaqın daxilində ortaya çıxıb. Hətta yeni xüsusiyyətin ekran görüntüləri də sızdırılıb. İnsayderlər iddia edir ki, Android smartfonlar üçün təqdim ediləcək yeni funksiya ilə artıq smartfonlar avtomobil kameralarını əvəz edə biləcək. Yeni xüsusiyyət ilə android smartfonlar 24 saat ərzində dayanmadan işləyə biləcək. Artıq köhnə android smartfonu olanlar əlavə avtomobil kamerasına ehtiyac duymayacaq.
Maraqlısı budur ki, Google şirkətinin Android smartfonlar üçün hazırladığı yeni avtomobil kamerası xüsusiyyəti yaddaşa qənaət edir. Belə ki, tətbiq yaddaşdan qənaət etmək üçün videoları sıxışdırır və həcmini azaldır. Bundan əlavə smartfon video qeyd alarkən onun ekranının söndürmək və ya fərqli tətbiqlərdən istifadə etmək mümkün olacaq. Avtomobili işə saldıqda smartfonun video qeyd etməsi üçün sadəcə bluetooth cihazına qoşulmaq kifayət edəcək. Həmçinin istifadəçinin seçimindən asılı olaraq smartfon səs yazısı qeydə ala bilər. Smartfon tərəfindən qeyd edilmiş videolar 3 gün sonra avtomatik olacaq silinəcək.
Ümumiyyətlər smartfonlar üçün təklif olunan avtomobil kamerası tətbiqləri Google Play və App Store mağazalarında kifayət qədərdir. Lakin Google şirkətinin Android smartfonlar üçün təklif edəcəyi avtomobil kamerası tətbiqləri təhlükəsizdir və məhdudiyyətlər yoxdur. Qeyd edək ki, Google şirkəti hal-hazırda smartfonlarda yarana biləcək istilik problemləri üzərində işləyir. Belə ki, yeni xüsusiyyətin yaxın günlərdə hansı smartfonlar üçün əlçatan olacağı da ortaya çıxa bilər. Hələlik isə yeni xüsusiyyət barədə başqa məlumat yoxdur.
