29 yanvar tarixində İRİA-nın 1-ci mərtəbəsində Technest Təqaüd Proqramı çərçivəsində işəgötürənlər və şirkət rəhbərləri ilə tədris müəssisələrinin rəhbərləri arasında tədbir baş tutub. Belə ki, tədbirdə HR-ların da iştirakı ilə panel müzakirələr, təqdimatlar və sual-cavab sessiyası həyata keçirilib. Ötən gün baş tutan tədbirdə bir çox maraqlı detallara toxunulub.
Ümumiyyətlə “Technest” təqaüd proqramı informasiya kommunikasiya texnologiyaları sahəsində təqaüd verən milli təqaüd proqramıdır. Məqsəd ölkədə İKT sahəsində kadr bankının yaradılması prosesinə töhfə vermək və əmək bazarındakı kadr ehtiyaclarını qarşılamaqdır. Belə ki, 2021-2022 tədris ilində 600-dən çox şəxsə, 2022-2023 tədris ilində isə 3000-dən çox şəxsə təqaüd ayrılmışdır.
“Technest” təqaüd proqramı mütəxəssislərin hazırlanması məqsədilə İKT sahəsində ölkənin öndə gedən tədris mərkəzləri ilə əməkdaşlıq çərçivəsində ən tələbatlı İT kurslarına müsabiqə yolu ilə tələbə qəbulunu təşkil edir. Müsabiqə bir neçə mərhələdə həyata keçirilir: onlayn müraciət, tədris proqramına uyğun olaraq bir və ya bir neçə imtahan və ən sonda müsahibə mərhələsi. Yalnız bütün mərhələlərdən uğurla keçmiş 13-65 yaş arası bütün Azərbaycan Respublikası vətəndaşları təqaüddən yararlana bilər. Technest təqaüdçüsü olmaq istəyirsinizsə buradan müraciət edə bilərsiniz.
