Süni intellekt mövzusundakı son xəbərlər gün keçdikcə daha da çox maraq oyatmağa davam edir. Bildiyiniz kimi bu sahədə baş verən ən son yeni xəbərləri sizinlə bölüşürük. Artıq məhkəmə salonlarında belə süni intellektin iştirak edəcəyi zamandayıq. OpenAI, Microsoft və.s. kimi şirkətlərin bu sahədə atdığı addımlar hər gün bizi təəccübləndirdiyi dövrdə, əsas müzakirə mövzularında məhz bu ətrafda formalaşır. Eyni zamanda bu sahədəki inkişafı görməyimizə kömək edir. Bu həftə keçiriləcək “Startup Grind” tədbirimiz də elə məhz süni intellekt mövzusunu əhatə edəcək.
Süni intellekt axtarış sistemlərinin gələcəyini, böyük şirkətlərindən dilindən desək artıq təhdid etməyə başlayıb. Həkimlərin əl yazısını oxuya bilən, insan kimi kodlar yaza bilən, yazılı mətnləri 3D modellərə çevirən, insanların zehnini oxumağa çalışan süni intellekt sistemləri mövcuddur.
Odur ki, 21 yanvarda Nicat Zeynalov ilə OpenAI-nin digər neyron şəbəkələrdən nə ilə fərqləndiyi başda olmaqla süni intellekt mövzusunu müzakirə edəcəyik. Əlavə olaraq şəbəkəyə Azərbaycandan necə qoşulmaq olduğunu və onun yerli mütəxəssislər üçün hansı imkanlar açdığını, həmçinin bu istiqamətdə bizi hansı gələcəyin gözlədiyi kimi mövzulara da toxunacağıq.
Əlavə olaraq qeyd edək ki, bu həftə bizimlə “Startup Grind” tədbirimizdə süni intellekt haqqında danışacaq həmsöhbətimiz Nicat Zeynalov bir çox layihələrdə və şirkətlərdə çalışmışdır. Azərbaycan Respublikası Təhsil Nazirliyində “Python” müəllimi, “Tensorflow”-da Organizer, “ABB” -də DataScientist vəzifələrində çalışıb. Hal-hazırda isə “Azərconnect” LLC-də Machine Learning Engineer vəzifəsində fəaliyyətinə davam edir. “Startup Grind” tədbirimizdə iştirak etmək üçün aşağıdakı qeydiyyat linkinə daxil ola bilərsiniz. Bu tədbir üçün yerlər olduqca məhduddur. Növbəti tədbirlərimiz barədə hamıdan əvvəl məlumat sahibi olmaq üçün Instagram üzərindən bizi izləməyi unutmayın.
Startap ekosistemi xəbərlərini "İnformasiya və Rəqəmsal İnkişaf Agentliyi" ilə tərəfdaşlığımız çərçivəsində oxuyursunuz.
