3 Dekabrda Azərbaycanın di zayn icması olan DesignTalks-ın 6-cı görüşü baş tutdu. DesignTalks görüşləri dizayn və kreativ sahələrin inkişafı üçün həyata keçirilən icma tədbirləridir.
“Kreativ Duel: Korporativ vs. Agentlik!” mövzusunda keçirilən tədbirin açılışını BDA rəhbəri Aysel Gülməmmədova edərək, DesignTalks icmasının əhəmiyyətindən və icma mədəniyyətinin kreativ sahənin inkişafında oynadığı roldan danışdı.
Müzakirələrə Fatima Tacıbey (Art Direktor- Rabitə Bank) moderatorluq etdi. Spikerlər – Gülşən Həsənzadə (Yelo Bank / PR menecer), Rəşidə Sadıxova (Bakcell / Baş Korporativ Kommunikasiya Mütəxəssisi) və Emil İsmayılov (Show Runners Agency / Art Direktor) kreativliyin Korporativ yoxsa Agentlik mühitində daha çox inkişaf etməsi ilə bağlı öz fikir və təcrübələrini bölüşdülər.
Ölkədə icmalara daim dəstək olan, yeni icmalar yaradan və hazır icmalara ev sahibliyi edən BDA bu tədbirdə də ev sahibi idi.Tedroid-in media tərəfdaşlığı ilə həyata keçirilən Tədbirdə iştirakçılar öz təəssüratlarını da bölüşdülər.
“Kreativ dünyada yerini tapmaq və bu sahənin ən maraqlı görüşlərində olmaq istəyənlər üçün DesignTalks icmasında olmaq mütləqdir.
İcmaya qoşul: https://t.me/designtalksaz
