Artıq Azərbaycanda səfərləri birbaşa çatda planlaşdırmaq mümkündür.
Qlobal texnologiya şirkəti olan “Yango Group”a daxil olan “Yango Ride” beynəlxalq səfər sifarişi xidməti ChatGPT-yə inteqrasiya edilib. Bu funksiya “Yango”nun fəaliyyət göstərdiyi bütün ölkələrdə, o cümlədən Azərbaycanda istifadəçilər üçün əlçatandır və süni intellektlə dialoq zamanı marşrutların planlaşdırılmasına və səfərin dəyərinin hesablanmasına imkan verir.
İnteqrasiya Yango-nun fəaliyyət göstərdiyi 25-dən çox ölkədə tətbiq olunur və bu, ChatGPT-də səfər sifarişi xidmətləri üzrə ən genişmiqyaslı inteqrasiyadır.
Çat vasitəsilə istifadəçi marşrutu qeyd edərək gizli komissiyalar olmadan səfərin dəqiq dəyərini öyrənə, səfərin müddətinə görə variantları müqayisə edə və avtomobilin təxmini çatma vaxtını görə bilər. Xidmət gözləmə müddətini azaltmaq üçün optimal minmə nöqtələrini də təklif edir.
Marşrut seçildikdən sonra istifadəçi sifarişi tamamlamaq üçün “Yango” tətbiqinə və ya onun veb versiyasına keçməlidir.
İnteqrasiya həm aktiv şəhər sakinləri, həm də turistlər üçün nəzərdə tutulub. Bu funksiya xəritələr və messencerlər arasında keçid etmədən “vahid pəncərə” rejimində günün logistikasını planlaşdırmağa imkan verir. Bu, xüsusilə də süni intellektdən iş məqsədləri üçün istifadə edən və taksi səfərlərini qrafikinə fasiləsiz şəkildə daxil etmək istəyənlər üçün аktualdır. “Yango Ride” inteqrasiyası ChatGPT-nin veb interfeysində, həmçinin “Android” və “iOS” əməliyyat sistemlərində çalışan mobil tətbiqlərində əlçatandır. Marşrut üzrə hesablamalar cari yol vəziyyəti nəzərə alınmaqla aparılır və real vaxt rejimində yenilənir.
Gələcəkdə Yango Group ChatGPT daxilində inteqrasiyanın funksional imkanlarını genişləndirməyi və öz ekosistemi çərçivəsində istifadəçilər üçün yeni imkanlar əlavə etməyi planlaşdırır.
“Yango Ride” tətbiqi” bu keçidlə ChatGPT” mağazasında əlçatandır: https://chatgpt.com/apps/yango/asdk_app_694d544b38b88191b47f75df30430d8a
