Beləliklə, rəsmi olaraq Samsung-un ən son Galaxy Unpacked tədbirində təqdim etdiyi Galaxy Z Fold7 və Galaxy Z Flip7 modelləri qatlanan smartfon dünyasının zirvəsini yenidən yaradır. Yaxşı bəs, 18 iyuldan etibarən Azərbaycan bazarı üçün rəsmi brend mağazalarında əlçatan olacaq yeni nəsil “Galaxy Z” seriyası bizə nə vəd edir?
Yeni nəsil cihazlar həm daha incə, həm daha yüngül, həm də daha funksionaldır. Samsung yeni nəsil “Galaxy Z Fold7” və “Galaxy Z Flip7” modellərində, sadə bir qatlanan cihazlar kimi niş texnologiya deyil, gündəlik istifadə üçün tam funksional flaqmanlar yaratmağa fokuslanıb.
Galaxy Z Fold7 modeli qatlandıqda sadəcə 8.9 mm, açıq vəziyyətdə isə cəmi 4.2 mm qalınlığı ilə Samsung-un indiyə qədər istehsal etdiyi ən incə və yüngül Fold cihazıdır. 215 qramlıq çəkisi ilə həm daşınması rahatdır, həm də bir çox klassik flaqman modelindən daha yüngüldür. Cihazın xarici hissəsində 6.5 düymlük Full HD+ Dynamic AMOLED 2X ekran yerləşir və bu ekranın 21:9 nisbəti sayəsində istifadəçi qapalı vəziyyətdə belə tam ekranlı təcrübə yaşayır. Qatlandıqda isə cihazın forması demək olar ki, klassik Galaxy S25 Ultra modelini xatırladır.
Açıq vəziyyətdə Galaxy Z Fold7 8 düymlük QXGA+ təsvir ölçülü Dynamic AMOLED 2X əsas ekranı ilə mini-planşet funksiyasını yerinə yetirir. Hər iki ekran 1–120 Hz adaptiv yenilənmə tezliyi, 10-bit HDR və yüksək parlaqlıq səviyyəsi ilə vizual keyfiyyətdə bənzərlik daşıyır. Şüşə örtüklər Gorilla Glass Victus 2 ilə, cihazın çərçivəsi isə Armor Aluminium 2 materialı ilə təchiz olunub. IP48 toz və suya davamlılıq sertifikatı isə bu cihazları gündəlik istifadədə daha etibarlı edir.
Kamera sistemi də ciddi yenilənib. Fold7 modeli Samsung-un flaqman xətti olan Galaxy S25 Ultra ilə eyni — 200 MP əsas sensorla təchiz olunub. Kamera modulu həmçinin 12 MP ultra-geniş, 10 MP telefoto (3x optik) və iki 10 MP-lik selfi kamerası ilə tamamlanıb. Yeni ProVisual Engine və 10-bit HDR texnologiyası sayəsində çəkilən fotolar daha dərin, canlı və peşəkar səviyyədə görünür. Fold seriyasında makro avtofokus rejimi də imkanlara əlavə edilib.
Yeni Snapdragon 8 Elite for Galaxy prosessoru (3 nm) cihazın performansının öyündüyü yerdir. 4.47 GHz-ə qədər çalışan iki əsas nüvə ilə bu prosessor həm məhsuldarlıqda, həm də enerji səmərəliliyində əhəmiyyətli üstünlük yaradır. 12 və ya 16 GB LPDDR5X RAM və 1 TB-a qədər yaddaş variantları istifadəçilərə geniş seçim imkanı verir. 4400 mAh tutumlu batareya isə 25W sürətli şarj, 15W simsiz və 4.5W tərs simsiz şarj funksiyaları ilə təchiz olunub. Cihaz Android 16 və One UI 8 ilə işləyir və Samsung-un söz verdiyi kimi 7 il ərzində əsas sistem və təhlükəsizlik yeniləmələri alacaq.
Galaxy Z Flip7 isə daha kompakt, lakin texniki baxımdan eyni dərəcədə güclü bir qatlanan flaqmandır. Bu modeldə diqqət çəkən ilk dəyişiklik xarici ekran ölçüsünün 3.4 düymdən 4.1 düymə qədər artırılmasıdır. Yeni FlexWindow ekranı 120 Hz tezliklə çalışır və minimal çərçivələri ilə demək olar ki, bir parça şüşə təsiri yaradır. Cihaz açıldıqda isə 6.9 düymlük FHD+ Dynamic AMOLED 2X əsas ekran qarşımıza çıxır. Səthdəki qatlanma xətləri vizual olaraq nəzərə çarpmır, toxunuşda isə demək olar hiss olunmur.
Galaxy Z Flip7 nə vəd edir?
Flip7 modelində ilk dəfə Samsung Exynos 2500 prosessoru istifadə olunub. 10 nüvəli bu çip 3 nm texnoloji prosesi ilə hazırlanıb və həm performansda, həm enerji effektivliyində Snapdragon 8 Gen 3 ilə rəqabət apara bilir. 12 GB RAM və 256 və ya 512 GB yaddaş variantları təqdim olunur. Batareya tutumu isə 4000 mAh-dan 4300 mAh-a yüksəldilib.
Kamera sistemi 50 MP əsas, 12 MP ultra-geniş və 10 MP selfi kameralarından ibarətdir. “Auto Zoom” və “Zoom Rocker” kimi yeni süni intellekt əsaslı rejimlər sayəsində çəkiliş zamanı obyekt izləmə, dinamik fokus və tək əllə zum imkanı mövcuddur. Bu xüsusiyyətlər xüsusilə sosial media kontent yaradıcıları üçün cəlbedicidir.
Hər iki cihaz Galaxy AI və Google Gemini Live ilə təchiz olunub. Yeni “ekran üzərində AI köməkçisi” istənilən tətbiqdən çıxmadan sənədləri oxuya, mətnləri redaktə edə, tövsiyələr verə və real vaxtda danışıq tərcüməsi edə bilir. Gemini kamerası ilə obyektə yönəlməklə AI əsaslı vizual tanıma və cavablandırma da aktiv olur. Audio Eraser funksiyası ilə videolardan külək və ya digər səs-küy arxa plan səsləri təmizlənir. Bundan əlavə, Studio Portrait, Photo Assist və Now Bar kimi AI imkanları da gündəlik istifadəni daha ağıllı və məhsuldar edir.
– 18 iyuldan etibarən sizi bu cihazları əldə etdikdə, rəsmi brend mağazalarında aşağıdakı kampaniyalar gözləyir:
Galaxy Z Fold7 alana, Galaxy Watch8 və keys hədiyyə
Galaxy Z Flip7 alana, Galaxy Buds3, keys və “Chelebi”dən keys üçün aksessuar hədiyyəQeyd edək ki, bu kampaniyalar 3 avqust tarixinə qədər keçərlidir.
