Azərbaycan Respublikası QHT-lərə Dövlət Dəstəyi Agentliyinin dəstəyi və “Qarabağın Tərəqqisi Naminə” İctimai Birliyinin təşkilatçılığı ilə həyata keçirilən “Ağıllı Şəhər, Yaşıl Gələcək: WUF 2026-a doğru” layihəsi çərçivəsində “Rebuild Karabakh” hakatonu 31 oktyabr – 1 noyabr tarixlərində keçiriləcək.
İnnovativ düşüncəyə malik gəncləri bir araya gətirən bu hakatonun məqsədi Qarabağın bərpasında ağıllı və ekoloji dayanıqlı texnologiyaların tətbiqini təşviq etməkdir. İştirakçılar iki gün ərzində komandalar şəklində smart şəhər infrastrukturu, yaşıl enerji, rəqəmsal idarəetmə və ekoloji innovasiyalar istiqamətlərində real problemlərə yaradıcı həllər təklif edəcəklər.
Təqdim olunan layihələr münsiflər heyəti tərəfindən qiymətləndiriləcək, ən uğurlu üç komanda isə mükafat, investorlarla görüş imkanı və WUF 13 – Dünya Şəhərlər Forumunda iştirak hüququ qazanacaq. Bu, gənclərə öz ideyalarını beynəlxalq səviyyədə təqdim etmək və Azərbaycanın innovativ potensialını nümayiş etdirmək üçün mühüm platforma yaradacaq.
Qeydiyyat prosesi 10 oktyabr 2025-ci il tarixində yekunlaşır. İştirak etmək istəyən gənclər üçün bu, “Rebuild Karabakh” hakatonuna qoşulmaq və öz ideyaları ilə Qarabağın gələcəyinə töhfə vermək üçün son fürsətdir.
Əlavə məlumat və qeydiyyat üçün müraciət ünvanı: rebuildkarabakhhackathon@gmail.com və https://forms.fillout.com/t/wzfNzA2HC4us
