Performanslı kompüter tapmaq, əslində asandır. Lakin Nvidia şirkətinin əsl peşəkarlar üçün üçün xüsusən optimallaşdırdığı yüksək performanslı kompüter seriyasının olduğu bilirsiniz? Hansı ki, bu kompüterlər Nvidia Studio imzası ilə qarşımıza çıxır. Elə isə gəlin Nvidia Studio seriyası kompüterlərə və gətirdiyi imkanlara yaxından nəzər salaq.
Məzmun yaradıcılığı, video redaktə, 3D modelləşdirmə və qrafik dizayn kimi çətin işlərin öhdəsindən gəlmək üçün yüksək performanslı texnologiyalara ehtiyac çox sürətlə artır. Təbii ki, bu sahələrdə öz töhfəsini verən insanlar isə daha çox diqqət ayrılaraq hazırlanmış texnologiyalara sahib olmalıdırlar. Məzmun yaradıcılığı başda olmaqla içərisində “qrafika” ilə bağlı bağlı termin olan sektorda isə Nvidia liderlərdən biridir. Təkmilləşdirilmiş cihazlara artan tələbatla Nvidia, peşəkarların ehtiyaclarını ödəmək üçün xüsusi olaraq hazırlanmış Nvidia Studio seriyası notbukları və kompüterlərini təklif edir.
Nvidia Studio seriyası kompüterlər bizim üçün nə kimi imkanlar gətirir?
Nvidia Studio noutbukları və kompüterləri Nvidia Studio platformasının imkanları ilə istifadə üçün optimallaşdırılmış güclü Nvidia qrafik kartları ilə təchiz olunub. Bu da istifadəçilər üçün yüksək performans və stabillik təmin edir. Studio drayveri ilə işləyən Nvidia qrafik kartı ilə təchiz edilmiş kompüterlər proqramlardan istifadə təcrübəsini təkmilləşdirmək üçün xüsusi olaraq hazırlanlanırlar. Nvidia Studio noutbuklarını da digər standart notbuklardan fərqləndirən əsas xüsusiyyətlərindən biri elə məhz budur.
İlk növbədə video redaktə tapşırıqlarının öhdəsindən gəlmə bacarığı Nvidia Studio ilə çox yaxşı irəliləyir. Məsələn, 3D modelləşdirmə ilə əlaqədar tapşırıqların öhdəsindən gəlmək olduqca çətindir. Lakin performans itirmədən böyük verilənlər bazası və mürəkkəb modellərlə işləməyiniz üçün Studio drayverləri fərqli işləmə mexanizmi ilə sizin işləməyinizə imkan verir. Studio drayverləri qrafik kartın nüvələrinin tezliyini xüsusilə peşəkar işlərdə adaptiv tənzimləməklə istifadəçilərə performansı daha da artırmağa imkan verir. Bu imkanlar bəzi hallarda qrafik kartın sürət aşırdılması kimi üstünlüklər də özündə cəmləyir.
Texniki baxımdan Nvidia Studio kompüterlərinin imkanları nələrdir?
Mövzunun texniki tərəfindən baxdıqda NVIDIA Studio seriyası kompüterlər dünyanın ən qabaqcıl və ən sürətli RTX qrafik kartları ilə təchiz olunmaqdadırlar. Xüsusilə üstdə bəhs etdiyimiz 3D məzmunun yaradılması üçün 5 qat daha yüksək performans verməklə qalmayıb, video və foto redaktəsində rəqiblərini xeyli üstələyirlər.
Ümumi baxımdan nəzər yetirsək bir kompüterin performansı qrafik kart səbəbi ilə mükəmməl səviyyədə olmur. Nvidia Studio seriyası kompüterlər və xüsusilə notbukları sahib olduqları bu imzanın haqqını vermək üçün yüksək vatt dəyərlərində işləyən prosessorlardan tutmuş, yeni nəsil yükək keyfiyyətli ekranları bağlamaq üçün Thunderbolt girişinə qədər bir sıra vacib xüsusiyyətlərə sahib olurlar. Həmçinin bu seriya altında satılan kompüterlərin soyutma texnologiyaları da xeyli gücləndirilir.
İnanılmaz olsa da musiqiçilik sektorunda belə Nvidia Studio noutbuklarının və kompüterlərinin fərq yarada biləcəyini bilmək lazımdır. Mürəkkəb audio emal tapşırıqlarının öhdəsindən gələ bilən bu cihazlar yüksək keyfiyyətli musiqi parçaları yaratmaq üçün lazım olan performansı və sabitliyi təmin edir.
Elə RTX qrafik kartları üçün 75-dən çox optimallaşdırılmış məzmun yaratma proqramı var ki, redaktorların çox yaxşı tanıdığı və olduqca populyar tətbiqlərdən söhbət gedir. Məsələn, Adobe Photoshop, Lightroom, Adobe Premiere Pro, Blackmagic DaVinci Resolve, OBS Studio kimi tətbiqləri nümunə olaraq göstərə bilərik. Bütün bunlardan başqa, Nvidia Studio drayverləri sistemin “təhlükəsizliyi” üçün də sazlanıb. Yəni, sistem xətalarının, çökmələrin və ya işləyərkən gecikmələrin qarşısını almaq üçün sazlamalar mövcuddur.
Ən maraqlı detallardan biri də fikrimizcə Premier Pro ilə bağlıdır. Adobe şirkəti Auto Reframe adlı texnologiyası ilə, GPU dəstəkli süni intellektin gücündən yararlanaraq məzmunun emalını sürətləndirə bilir. Bu texnologiyalar Adobe Sensei AI ilə birləşdirilikdə video məzmununu rahatlıqla müxtəlif təsvir ölçüsünə çevrilməsi mümkün olur. Normalda prosessorlar ilə bu işin görülməsi ilə müqayisədə NVIDIA RTX qrafik kartları 400% daha sürətli performans qarşımıza çıxarır. Yeni Auto Reframe funksiyası ilə video redaktorlar öz videolarını sosial media üçün əvvəlkindən daha sürətli hazırlaya bilərlər.
Lightroom və Photoshop üçün də vacib imkanlar istifadəçilər üçün təklif edilir. Adobe Lightroom ilə görüntülər redaktə edilərkən və eyni zamanda göstərilərkən GPU sürətləndirməsindən istifadə edilir. Lakin bir hal var ki, normalda render olunmamış görüntü bizə tam dəqiq nəticə göstərmir. Həmçinin, görüntü üzərində işləyərkən sistemin eyni zamanda dəyişikləri real vaxt kəsiyində nümayiş etdirməsi üçün xeyli resurs tələb olunur. Nvidia Studio platforması burada da süni intellekt gücləndirmələri ilə sistemin yükünü azaldır və sisteminizin davamlı performansını artırır. Adobe şirkəti Sensei AI platformasını istifadə edərək, xam faylları RAW formatında işləmək üçün RTX Tensor istifadə etməyi də bacarır. Super Resolution və Enhance Details funksiyasından istifadə etdikdə isə orijinal RAW faylından şəkil bağlı daha çox detallar çıxarmaq imkanı əldə olunur.
Blender Cycles texnologiyası da RTX qrafik kartlarında işıq izləməsi və süni intellekt əsaslı görüntülərdə səs-küyün (qumlanmanın) azaldılması imkanları ilə daha da sürətləndirilmiş qrafik performansı verməkdədir. Güclü təkmilləşdirmələrlə mürəkkəb dizaynlar üçün sərf olunan vaxtı Blender Cycles texnologiyası dəqiqələrdən saniyələrə qədər azaldır.
NVIDIA Studio yaradıcıları unikal üsullarla dəstəkləmək üçün xüsusi pulsuz proqramlar da təklif etməkdədir. Belə ki, NVIDIA Omniverse və NVIDIA Broadcast kimi xüsusi pulsuz proqramlar dəstindən söhbət gedir. NVIDIA Broadcast istifadəçilərə mikrofonlarını, veb-kameralarını və səs ucaldanlarını təkmilləşdirmək üçün süni intellekt hesabına istənilən otağı adətən, “ev studiyasına” çevirir. Bu imkanlar məzmun yaradıcıları, eləcə də tələbələr üçün olduqca faydalı ola bilər. Onlayn görüşlərdə iştirak etməyi, peşəkar görüşləri təkmilləşdirməyi mükəmmələşdirir.
Nvidia Studio seriyası kompüterlərin ən sona qalan və ən vacib detalı isə sözsüz ki, Canvas olacaq. Böyük bir ehtimalla Nvidia Canvas qrafik dizaynda tərəfində hərkəsin işinə lazım olan şeylərdən biridir. NVIDIA Canvas təsviri istədiyiniz kimi fərdiləşdirməyə imkan verir. Bir rəsmin görünüşünü və hissələrin 9 fərqli üslubda dəyişdirə, o cümlədən səmadan dağa, çaya, daşa qədər 20 fərqli materialı anlayan süni intellekt əsaslı texnologiyadan söhbət gedir. İdeal təsviri yaratdıqdan sonra, Canvas işləri Adobe Photoshop tətbiqinə də idxal etməyə imkan verir ki, siz təsviri təkmilləşdirməyə və ya yaradılmış təsviri digər rəsm əsərləri ilə birləşdirməyə davam edəsiniz. Nəticə etibarilə bütün bu imkanlar həqiqətən də peşəkarların seçimi olmaq üçün bir yerə toplanıb.
