Holberton School Azərbaycanda keçirilən 4-cü Məzuniyyət Günü və Demo Day tədbirlərində tələbələr təhsil müddətində qazandıqları bilik və bacarıqları, həmçinin texnologiyaya olan həvəs və yaradıcılıqlarını nümayiş etdirdilər.
Onlar tədrisə ilk kod sətirlərindən başlayaraq real layihələr qurmağa qədər uzun bir yol keçdilər. Bu gün isə həmin zəhmət, inadkarlıq və peşəkarlığın təntənəsinə çevrildi. Məzuniyyət mərhələsi proqramın sonu deyil, əksinə, yeni başlanğıcıdır. İndi məzunlar texnologiya sahəsində yenilikçi, problem həll edən və gələcəyin liderləri kimi fəaliyyətlərini davam etdirəcəklər.
Tədbirin xüsusi hissəsi olan Demo Day səhnəsində tələbələr öz ideyalarını və layihələrini təqdim etdilər. Bu təqdimatlar onların həm texniki biliklərini, həm də yaradıcı yanaşmalarını və texnologiyaya bağlılıqlarını bir daha ortaya qoydu.
Holberton School Azərbaycan komandası bildirir ki, məqsəd yalnız peşəkar proqramçılar yetişdirmək deyil, həm də ölkənin texnologiya ekosistemində yeni liderlərin formalaşmasına töhfə verməkdir. Məktəb gənclərin potensialına inanır və onların gələcəyini qurmaq üçün davamlı dəstək göstərir.
“Holberton yalnız bir məktəb deyil, gələcəyin texnologiya liderlərinin formalaşdığı güclü bir icmadır,” – deyə təşkilatçı komanda vurğulayıb.
Növbəti təqaüd proqramı çox yaxın zamanda elan ediləcək. Yeniliklər üçün @holbertonazerbaijan səhifəsini izləməyi unutmayın.
