Netflix, keçən il yayımlanan və sosial mediada gündəmə gələn məşhur Squid Game serialının ikinci sezonunu Twitter-dəki paylaşımı ilə rəsmi olaraq açıqladı. Netflix seriallarının əksəriyyətini istifadəçilərə sevdirməyi bacarır. Bunun səbəbi isə şirkətin yüksək keyfiyyətli istehsallarının olmasıdır. Pandemiya dövründə yayımlanan serial əsasən şiddət səhnələri ilə tanınsa belə olduqca çox insan tərəfindən bəyənilmişdir. Rəsmi olaraq Netflix-in indiyə qədər yayımladığı şou, film və seriallar arasında ən çox izlənən yayımın Squid Game olması bunun ən başlıca sübutudur. Serialın 2-ci sezonu həyəcanla gözlənilirdi. Nəhayət gözlənilən xəbər gəldi və Netflix xəbəri rəsmi olaraq açıqladı.
Paylaşımda serialın ilk bölümündə yer alan yaşıl işıq-qırmızı işıq oyunundakı oyuncaq yer alır. Serialın məhz bu hissəsində şiddət səhnələri olduqca çox olsada təsvir olunan oyun, sosial mediada gülüş hədəfinədə çevrilmişdi. Qeyd edək ki, Netflix şirkətinin serialın 2-ci sezonu ilə əlaqəli açıqlaması tək bu paylaşımla yekunlaşmır. Serialı izləyənlər bilir ki, əgər kimsə Squid-Game-ə qatılmaq istəyərsə, üzərində dairə, üçbucaq və kvadrat təsvir edilən kartdakı nömrəyə zəng etməlidir. Sonra isə oyunçu ona verilən ünvanda gözləyirdi. Belə ki, serialın 2-ci sezon açıqlamasının yer aldığı paylaşımda həmin kartda təsvir edilib.
Şəkildə yazılır:
“Yeni sezon gəlir. Keçən il yayımlanan Squid Game serialının ilk sezonunu həyata keçirmək 12 il çəkdi. Lakin serial 12 gün ərzində Netflix-in ən məşhur serialı olmağı bacardı. Serialın ssenaristi, rejissoru və prodüsseri olaraq bütün dünyadakı heyranlarımıza səslənirəm: Serialımızı izlədiyiniz və sevdiyiniz üçün təşəkkür edirəm. İndi Gi-Hun və Front Man qayıdır, 2-ci sezon gəlir. Kostyum geyinmiş kart oyunu təklif edən adam da geri gələ bilər. Həmçinin Young-hee-nin oğlan dostu Cheol-su ilə tanış olacaqsınız. Yeni sezonda yenidən bizə qoşulun!”
Squid Game mövzusu
Borcları olan Seong Gi-hun böyük pul mükafatı şansı üçün uşaq oyunları oynamağa dəvət olunur. Təklifi qəbul edərək naməlum bir yerə aparılır və özünü borcları olan digər 455 oyunçunun arasında tapır. Böyük pul mükafatı üçün gələn oyunçular onları nələrin gözlədiyindən xəbərsizdirlər. Elə məhz bundan sonra oyun başlayır.
