Yaponiya yarımkeçiriciləri gücləndirmək üçün sintetik almaz istifadə etməyi planlayır. Belə ki, yeni ortaya çıxan məlumata görə, sintetik almaz silikon qurğulardan 50 000 dəfə çox elektrik enerjisi işlədə bilir.
Yaponiyanın yeni tədqiqat və təkmilləşdirmə (R&D) səyləri almaz yarımkeçiriciləri kommersiya baxımından istifadə edə bilmək üçün yeni bir səviyyəyə çatdırıb. Sintetik almazdan hazırlanmış bu güclü yarımkeçiricilər mövcud silikon cihazlardan təxminən 50.000 dəfə çox elektrik keçirə bilir. İstilik keçiriciliyi və izolyasiya xüsusiyyətləri almazı mövcud yarımkeçirici materiallardan çox üstün edir. Məsələn, almaz yarımkeçiricilər bir izolyator kimi silisiumdan 33 dəfə elektrik gücünə malikdir və təxminən 5 dəfə yüksək temperaturda işləyə bilir. Habelə, almaz yarımkeçiriciləri enerji itkilərini əhəmiyyətli dərəcədə azaldır və silikon əsaslı cihazlardan çox daha yüksək performans təklif edir.
Yeni nəsil yarımkeçiricilər arasında silisium karbid (SiC) və qallium nitridi (GaN) kimi materiallar da diqqəti cəlb etsə də, almazın performansı bu materiallardan dəfələrlə yüksəkdir. Qeyd edək ki, almaz SiC-dən 80 dəfə, GaN-dən isə 10 dəfə üstündür. Bu, almazın digər yarımkeçiricilərlə müqayisədə enerji səmərəliliyi baxımından çox üstün olduğunu göstərir. Bu xüsusiyyətlərə görə almaz yarımkeçiricilərin elektrikli nəqliyyat vasitələri, təyyarələr və enerji istehsal stansiyaları kimi böyük və sabit enerji mənbəyi tələb edən sahələrdə istifadə oluna biləcəyi bildirilir. Bundan əlavə, onların yüksək temperatura və radiasiyaya davamlılığı, nüvə enerjisi və kosmik texnologiyalar sahəsində böyük potensiala malik olduğunu göstərir. Almaz yarımkeçiricilər üzərində tədqiqatlar uzun illərdir ki, davam etsə də, onun sərtliyinə görə materialın işlənməsi eləcə də böyük ölçülü almazların aşkar edilməsi bəzi problemlərə səbəb olurdu. Buna baxmayaraq, Yaponiyanın son illərdə əldə etdiyi irəliləyişlər bu maneələri dəf etməyə kömək edir. Hətta Almaz yarımkeçiricilərin 2025-2030-cu illər arasında kommersiyalaşma mərhələsinə girəcəyi gözlənilir.
