Tedroid Media Group-un qurucu və həmtəsisçisi Tariyel Ağazadə 2024-cü il Gənclər üçün Prezident mükafatlarının verilməsi haqqında Azərbaycan Respublikası Prezidentinin Sərəncamı ilə “Gənclər üçün Prezident mükafatına” layiq görüldü. Qeyd edək ki, Tariyel Ağazadə fəaliyyətdə olduğu son illər ərzində Amerika, Gürcüstan, Almaniya, Portuqaliya, Ukrayna, Makedoniya, İspaniya, Hollandiya, Böyük Britaniya, Macarıstan, Qazaxıstan, Türkiyəyə səfər edərək Azərbaycanı beynəlxalq tədbir və konfranslarda təmsil etmişdir.
Habelə Tedroid Media Group həmtəsisçisi 2023-cü ildə təkrar səyahətlər nəzərə alınmaqla dünya nüfuzlu sammit, konqres, tədbir və konfranslardan olan Mobile World Congress, Web Summit, TechCrunch Disrupt, Surge Summit, Digital Bridge 2023, Money20/20 və.s kimi tədbirlərdən Azərbaycan üçün məzmunlar hazırlamışdır. Bundan əlavə o, 2020-ci ildə də Nəqliyyat, Rabitə və Yüksək Texnologiyalar Nazirliyi tərəfindən təsdiq edilən Azərbaycan İnnovasiya Mükafatı üzrə “İlin İnfluenseri” adına layiq görülmüşdür.
2022-ci ildə İnnovasiya və Rəqəmsal İnkişaf Agentliyinin İlin Ekosistem Lokomotivi nominosiyası üzrə “İlin İnnovasiya Adamı” qalib olan və Tedroid Media Group-un qurucusu olan Tariyel Ağazadə artıq rəsmi olaraq Prezident mükafatına da layiq görülüb. Qeyd edək ki, “Tedroid Media Group” texnologiya mediası timsalında 29-dan çox qlobal və 70-dən çox yerli şirkət, onlayn platforma və startaplarla tərəfdaşlıq etmişdir. Azərbaycanlı auditoriyaya xitab edən 1000-dən çox elmi-texnoloji və startaplarla əlaqədar sayt, toplam izlənmə sayı 40 milyondan çox olan video məzmunlarına sahibdir.
Həmçinin, “Tedroid Media Group” ölkənin ən böyük texnologiya medialarından birinə çevrilməklə ümumilikdə müxtəlif sosial şəbəkələrdə toplam ~200.000 istifadəçi sayına və aylıq 2 milyondan çox izləyiciyə çatsa da, bu sahədə ilk addımları 2019-cu ilə ASAN İnnovasiya Mərkəzinə “exit” etmiş “Webspace” platformasına dayanmaqdadır.
