Hər keçən gün SpaceX şirkəti yeni raketlərini orbitə buraxır. Belə ki, bu raketlər əsasən Starlink layihəsi çərçivəsində kosmosa buraxılır. Lakin məlum olub ki, SpaceX raketləri orbitindən çıxaraq atmosferin yuxarı hissəsində parlaq qırmızı rəngdə “atmosfer dəlikləri” açır. Hətta bu atmosfer dəlikləri bəzi bölgələrdə səmada açıq-aydın şəkildə parlaq işıq ləkələri yaradır. Alimlərin fikrincə isə bu atmosfer dəlikləri və ya işıq ləkələri ətraf mühit üçün heç bir təhlükə yaratmır.
Ümumiyyətlə tədqiqatçılar bu işıq ləkələrini “SpaceX qütb aurorası” adlandırırlar. Alimlər uzun müddətdir ki, atmosferə buraxılan raketlərin yuxarı ionosfer qatında 80 ilə 644 kilometr məsafədə görünən dəliklərin yaranmasına səbəb olduğu bildirir. Atmosferdə əmələ gələn bu dəliklər qaz molekullarını aktivləşdirərək, parlaq qırmızı işıq zolaqlarının meydana gəlməsinə səbəb olur. Hələ biz yer planetinin ətrafında kosmosda başıboş gəzən raket qalıntılarından heç danışmırıq.
Bu cür raketlər həm atmosferdə müəyyən dəliklərin yaranmasına, həm də kosmosda yer planeti ətrafında zibilliyin meydana gəlməsinə səbəb ola bilir. Bir yandan isə texnologiya bu peyklər və raketlər vasitəsi ilə inkişaf edir. Mütəxəssislər əsasən parlaq işıq zolaqlarının astronomiya və rabitə üçün naməlum problemlər yarada biləcəyindən narahatdır. Hələlik isə alimlər bu cür işıq zolaqlarının tamamilə təhlükəsiz olduğunu düşünür. SpaceX şirkətinə məxus raketlərin açdığı bu atmosfer dəlikləri gələcəkdə daha da çoxala bilər. Bundan əlavə SpaceX marsa ilk sərnişin raketinin göndərilməsi üzərində işləyir. Hətta bununla bağlı müvafiq sınaqlar da keçirilir.
