Norveç kəşfiyyatı aprel ayında Norveçin qərbindəki Bremanger bəndinə edilən kiberhücumun Rusiyadan qaynaqlandığını təsdiqləyib. Belə ki, rəsmilərin sözlərinə görə, hücumçular bəndin sisteminə sızaraq, su çıxış qapılarını açaraq, təxminən dörd saat ərzində saniyədə 500 litr suyun nəzarətsiz buraxılmasına səbəb olublar. Bu hadisə Avropada kritik infrastrukturun təxribatı ilə bağlı narahatlıqları yenidən gündəmə gətirib. Beləliklə, Rusiyalı hakerlər anidən Norveç-in Bremanger adlı su anbarına sızaraq nəzarəti ələ keçirməyi bacarıblar.
Norveç hökuməti ilk dəfə olaraq Rusiyanı rəsmi olaraq hücuma görə məsuliyyət daşıdığı üçün hücum böyük milli təhlükəsizlik probleminə çevrilib. Aprel ayında hakerlər balıqçılıq əməliyyatlarını da idarə edən bəndin idarəetmə sisteminə uzaqdan daxil olublar. Ümumilikdə bənddən 7,5 milyon ton su buraxılıb. Xoşbəxtlikdən hücum nə tələfat, nə də maddi ziyanla nəticələnib. Bununla belə, Norveç təhlükəsizlik rəsmiləri hadisənin təkcə bəndin özünü deyil, həm də ictimaiyyətin təhlükəsizliklə bağlı təsəvvürünü hədəf alan “təhdid əməliyyatı” olduğunu vurğulayırlar. Hücuma görə məsuliyyəti üzərinə götürən qruplaşmanın Telegram-da Rusiyayönlü kibercinayətkar təşkilatın loqosunun əks olunduğu üç dəqiqəlik video yerləşdirdiyi bildirilir. Norveçin mütəşəkkil cinayətkarlıqla mübarizə bölməsi Kripos, qrupun son illərdə Qərbdəki şirkətlərə qarşı çoxsaylı hücumlarla əlaqəli olduğunu bildirib.
Rəsmilər həmçinin vurğuladılar ki, Rusiya kəşfiyyatı Norveçə məlumat toplamaq və vətəndaşları işə cəlb etmək üçün əhəmiyyətli resurslar yatırıb. Norveç rəsmiləri daha əvvəl xəbərdarlıq etmişdilər ki, ölkənin enerji infrastrukturu xüsusilə su elektrik bəndləri vasitəsilə hədəfə alına bilər. Norveç Avropanın aparıcı təbii qaz ixracatçılarından biridir və elektrik enerjisi istehsalı üçün hidroelektrikdən çox asılıdır. Norveç və Rusiya 198 kilometr sərhədi bölüşür və Storskoq keçidi Avropada yeganə açıq Şengen-Rusiya sərhədidir. Rusiyanın Oslodakı səfirliyi Norveçin bəyanatlarını “əsassız və siyasi motivli” adlandırıb. Bundan başqa, Norveçin illik təhlükəsizlik hesabatında səslənən “Rusiyanın təxribat təhlükəsi” ifadəsi “uydurma mif” kimi qiymətləndirilir. Keçən il Böyük Britaniyanın xarici kəşfiyyat agentliyi olan MI6-nın rəhbəri Riçard Mur da Rusiyanı Avropada son dərəcə ehtiyatsız təxribat fəaliyyətində ittiham etdi, Moskva bu iddianı təkzib edib.
