Rusiya prezidenti Vladimir Putin dərslərdə smartfon istifadəni qadağan edən qanunu ötən gün imzalayıb. Xatırladaq ki, Dövlət Duması bu qanunu, daha dəqiq desək “Təhsil haqqında” federal qanuna dəyişiklikləri 6 dekabrda ikinci və üçüncü oxunuşda qəbul etmişdi. İndi isə Rusiya prezidenti tərəfindən imzalanıb və imzalandığı andan, yəni 19 dekabr tarixindan etibarən qüvvəyə minin. Bu barədə məlumat hüquqi reqlamentlərin rəsmi dərc olunduğu Rusiya saytında verilib.
Rusiya tərəfindən təsdiqlənən yeni qanun 1-11-ci sinif şagirdlərinin dərs zamanı, hətta tədris məqsədləri üçün belə hər hansı rabitə vasitələrindən, smartfon, SİM kartlı planşetlər və s. istifadə etməyi qadağan edir. Təhsil məqsədləri üçün şəxsi qurğular yerinə yalnız kompüterlər, planşetlər və ya interaktiv lövhələr, yəni məktəb cihazları istifadə olunacaq. Bundan əvvəl Dövlət Dumasının sədri Vyaçeslav Volodin dəyişikliklərin təkcə təhsilin keyfiyyətini artırmaq deyil, həm də müəllimin nüfuzunu qorumaq məqsədi daşıdığını bildirərək, həm valideynlər, həm də müəllimlər tərəfindən sinifdə mobil telefondan istifadəyə məhdudiyyət qoyulmasını bildirmişdi.
Qəbul edilmiş qanuna əsasən, şagird mobil telefondan yalnız şagirdlərin və təhsil müəssisəsinin əməkdaşlarının həyatı və ya sağlamlığı üçün təhlükə yarandıqda və ya digər fövqəladə və ya qeyri-normal hallarda icazə verə biləcək. Yeni qaydalara əməl olunmasına nəzarət etmək isə müəllimlərin və məktəb rəhbərliyinin üzərinə düşəcək.
