ABŞ Milli Aeronavtika və Kosmik Tədqiqatlar İdarəsinin (NASA) keçmiş mühəndisi və YouTube bloggeri Mark Rober dünyaca məşhur “Rock, Paper, Scissors” oyunu ilə mükəmməl mübarizə aparan Rocky adlı robot yaradıb. Yayımlanan videoda bloqqer heç vaxt yaratdığı robotu məğlub edə bilməyib. Hətta o bildirib ki, “Rock, Paper, Scissors” oyununda bu robota qalib gəlsəz 10 min dollar qazana bilərsiz.
Robert, Rocky-nin bacarıqlarını həvəslə nümayiş etdirib. Mühəndisin fikrincə, “Rock, Scissors, Paper” oyununda robotu məğlub etmək şansı “sıfır faizdir”. Rəqibin əllərinin və barmaqlarının hərəkətlərini izləyən inanılmaz sürətli sistem sayəsində belə təsir edici nəticə əldə etmək mümkün olub. Bu məqsədlə saniyədə yüzlərlə dəfə məlumat toplayan infraqırmızı sensorlardan istifadə olunur. Sensorlardan alınan məlumatlar Rocky-nin bədəninin içərisində olan mini-kompüterə ötürülür. Daha sonra rəqibin üç variantdan hansını seçəcəyini inanılmaz dəqiqliklə müəyyən edən və bunu saniyənin kiçik bir hissəsində həyata keçirən xüsusi bir alqoritm işə düşür. Robot rəqibinin hansı variantı seçdiyini anlayan kimi əlini uzadıb qalib kombinasiyanı üzə çıxarmaq üçün servolardan istifadə edir.
Heç bir strategiya Rocky-ni məğlub edə bilməz, çünki robot yalnız rəqibi hərəkət etməyə başlayandan sonra hərəkət edir. Robert öz yaradıcılığına o qədər arxayındır ki, hətta “Rock, Paper, Scissors”-da Rocky-ni məğlub edə bilənə 10 min dollar mükafat da təyin edib. Əslində robot rəqiblərinin hərəkətlərini diqqətlə izləyərək, yalnız qələbəyə əmin olduqda hərəkətini həyata keçirərək onları aldadır. Ancaq bunu o qədər tez edir ki, dinamikada robot rəqibinin fikrini oxuyur kimi görünür.
