Konsentrat günəş enerjisi, günəşdən gələn işıq şüalarının xüsusi texnologiyalar vasitəsilə bir nöqtəyə və ya sahəyə fokuslanaraq istilik enerjisinə çevrildiyi bir sistemdir. Bu texnologiya vasitəsilə alınan istilik enerjisi elektrik enerjisi istehsalı üçün istifadə olunur. Parabolik tipli günəş enerjisi stansiyalarında, günəşdən alınan enerji parabolik aynanın mərkəzindən keçən boruda yerləşdirilmiş yağa ötürülür. Bu yağ təxminən 370°C-ə qədər qızdırılaraq, günəş enerjisinin 80%-ə qədərini istiliyə çevirmək mümkündür. Daha sonra bu istilik enerjisi suya ötürülərək, əvvəllər neft hasilatı üçün istifadə olunmuş əraziyə vurulur. Sonra enerjisini ötürən su başqa quyulardan çəkilir.
ABŞ-ın Milli Bərpa Olunan Enerji Laboratoriyası (NREL) yeni həll kimi istifadəsiz qalmış neft quyularında enerji saxlamağı təklif edir. Bu quyular çox dərin və məsaməli süxurlara çatdığı üçün həddindən artıq isti suyu təzyiqlə quyulara vurmaq və soyumuş halda digər quyudan çıxarmaq mükəmməldir.
Bu üsulda nə iri tanklara, nə hündür qüllələrə, nə də günəşi izləyən kompleks aynalara ehtiyac var. Parabolik, yəni yarımay şəkilli günəş istilik kollektorları vasitəsilə temperaturu 370°C-ə qədər artıraraq suyu neft quyusuna vurmaq kifayətdir. Torpaq altındakı temperatur 160°C-ə qədər yüksələcək və ehtiyac olduqda hasilat quyusundan enerji alınıraq elektrik enerjisi istehsal olunacaq. Sistem 43%-lik enerji itkisinə malik olsa da, başlanğıc investisiyası çox aşağı olduğu üçün kimyəvi batareyalarla müqayisədə daha ucuz qalır. Elektrik enerjisinin saxlanma dəyəri cəmi 0,11 sent təşkil edir. Bir sözlə, çoxlu elektrik enerjisi itirilir, lakin ilkin investisiya çox az olduğundan, sistem ömrü boyu kimyəvi batareyalardan nisbətən ucuz qalır.
Hesabata görə tərk edilmiş neft quyusunda 1000 saat enerji toplana bilər.Kaliforniyada tərk edilmiş neft yatağında 24 hasilat, 7 suvurma və 3 monitorinq quyusu olan 200,000 m² sahədə obyektin yaradılması planlaşdırılır. Ümumi gücü 400 MVt olacaq sistemdə 1000 saatdan çox saxlama mümkün olacaq. Saxlanılan enerji 200 GWh miqdarında böyük bir tutumu əhatə edir. Sistem 24/7 enerji istehsal edə biləcək, lakin əsas məqsədi yayda istehsal edilən artıq enerjini yerin altında saxlamaq və qışda çətin vaxtlarda istifadə etmək olacaq.
Sistemin ümumi dəyərinin 1,8 milyard ABŞ dolları olacağı gözlənilir və əsasən ən yüksək enerji tələbatının olduğu axşam saatlarında və ya qiymətlərin yüksək olduğu dövrlərdə təbii qazla işləyən stansiyaları əvəz etməsi nəzərdə tutulub.
