NASA, Marsın kənarındakı əsas asteroid qurşağında yerləşən metalla zəngin Psyche asteroidinə doğru yavaş-yavaş hərəkət edən Psyche kosmik gəmisinin ion mühərriklərini işə saldığını açıqlayıb. Agentlikdən verilən açıqlamada, 13 oktyabr 2023-cü ildə istifadəyə verilən kosmik gəminin altı aylıq sağlamlıq yoxlamalarından sonra tam hazır rejimdə olduğu bildirilib.
Gələn il ərzində kosmik gəmi, orbiteri asteroid qurşağına doğru itələmək üçün elektrik itələyicilərini “tam kruiz” adlandırdıqları rejimdə tutacaq. İtələyicilər yüklü ksenon atomlarını və ya ionlarını xaric etməklə işləyir və kosmik gəminin arxasından mavi parıltı yayır. Bu itələyicilər Psyche-nin günəş işığı ilə işləyən inanılmaz dərəcədə səmərəli günəş elektrik mühərrik sisteminin bir hissəsidir. İonlaşmış ksenonun yaratdığı təkan çox yüksək olmasa da, Psyche’nin ehtiyaclarını ödəyə bilər. NASA bildirir ki, hətta tam kruiz rejimində belə, bu itələyicilərin göstərdiyi təzyiq ovucunuzda bir neçə sikkə tutduğunuz zaman hiss etdiyiniz təzyiqlə eynidir.
Psyche, hazırda 300 milyon kilometr uzaqdadır və saniyədə 37 kilometr sürətlə hərəkət edir. Bu, təxminən 135.000 km/saat deməkdir. NASA bildirir ki, Psyche, itələyicilərin davamlılığı və hər hansı bir atmosfer sürüklənməsinin olmaması səbəbindən 200.000 km/saat sürətə çatacaq. Psyche kosmik gəmisinin missiyası, adından da göründüyü kimi, metalla zəngin olan Psyche asteroidinə çatmaqdır. Bu yol xəritəsinə əsasən, kosmik gəmi 2029-cu ildə asteroidə çatacaq və iki il orbitdə qalacaq. 280 kilometr enində olan “Psyche” asteroidi metal nüvəli qayalı planetlərin əmələ gəlməsi haqqında dəyərli məlumat əldə etməyə imkan verə bilər.
