NASA Beynəlxalq Kosmik Stansiyada ilk “ultra soyuq” kvant sensoru təcrübəsini həyata keçirib. Belə ki, bu sensor gələcək kosmik missiyalarda kvant texnologiyalarından istifadə etmək üçün imkan yaradır. Gələcək kosmik missiyalar Yerdəki suyun monitorinqi, ayların və digər planetlərin tərkibini araşdırmaq və ya sirli kosmik hadisələri araşdırmaq üçün kvant texnologiyalarından istifadə edə bilər.
NASA-nın Beynəlxalq Kosmik Stansiyada ilk dəfə yaradılan Soyuq Atom Laboratoriyasında kvant elminin kosmosda necə istifadə ediləcəyi ilə bağlı inqilabi bir addım atılıb. NASA kosmosda cazibə qüvvəsini, maqnit sahələrini və digər qüvvələri ölçmək üçün kvant texnologiyasından istifadə etməyi hədəfləyir. Kosmik agentlik ilk dəfə olaraq ultra soyuq atomlardan istifadə edərək orbital laboratoriyanın vibrasiyalarını ölçmək üçün Beynəlxalq Kosmik Stansiyada (ISS) atom interferometri adlanan tamamilə yeni aləti sınaqdan keçirib.
atom interferometrləri Yer-də istifadə olunsa da, onların kosmosda uzun müddət işləmək üçün çox həssas olduğu düşünülürdü. Lakin, NASA kosmosda ilk “ultra-soyuq” kvant sensorunu sınaqdan keçirərək bütün mənfi fikirləri alt-üst etməyi bacarıb. Bu sınaq ilə alimlər kosmosda atom interferometrlərindən istifadə etməyin mümkün olduğunu sübut edib. Mikroqravitasiyadan istifadə etməklə alimlər daha uzun ölçmə vaxtlarına və daha yüksək cihaz həssaslığına nail olublar. NASA-ya görə, cazibə qüvvəsini yüksək dəqiqliklə ölçə bilən kosmosa əsaslanan sensorlar bir çox potensial tətbiqlərə malikdir. Məsələn, onlar bizim Günəş sistemimizdəki planetlərin və ayların tərkibini aşkar edə bilirlər, çünki müxtəlif materiallar müxtəlif sıxlıqlara malikdir və cazibə qüvvəsində incə fərqlər yaradır.
