Alimlər illərdir müzakirə mövzusu olan qlobal istiləşmə probleminə ilk baxışda mənasız görünə biləcək həll yolu təklif ediblər. Belə ki, alimlər Qlobal istiləşməyə həll olaraq Kosmosa 200 Trilyon dollarlıq Almaz tozu buraxmağı təklif ediblər. Onların fikrincə hər il atmosferin yuxarı təbəqələrinə, yəni stratosferə 5 milyon ton almaz tozu atmaqla qlobal istiləşmə ilə mübarizə aparmaq mümkün ola bilər.
“Geophysical Research Letters” jurnalında dərc olunan araşdırmaya görə, bu üsulla planetin temperaturunu 1,6 dərəcə Selsiyə qədər azaltmaq mümkün olduğu proqnozlaşdırılır. Bu azalma qlobal istiləşmənin yaratdığı bəzi təhlükəli nəticələrin qarşısının alınmasında mühüm addım kimi qiymətləndirilir. Ümumiyyətlə, Qlobal istiləşmə problemini həll etmək üçün bu günə qədər müxtəlif geomühəndislik üsulları tez-tez müzakirə edilmişdir. Məsələn, Antarktida üzərində atmosferə kükürd injeksiya etməklə günəş işığının təsirini azaltmaq üçün təkliflər irəli sürülüb, lakin kükürdün istifadəsi ətraf mühitə turşu yağışı kimi zərərli yan təsirlər yaratmaq riskini daşıyır. Təbii ki, belə bir hal vəziyyəti daha da çətinləşdirə bilər.
Almaz tozu tövsiyəsi bu cür zərərli yan təsirlərə səbəb olmadığı düşünülən bir seçimdir. Alimlər bildirirlər ki, almaz tozu atmosferdən digər aerozol məhlullarına nisbətən daha yavaş parçalanır və bununla da uzunmüddətli soyutma effekti verir. Bundan əlavə, almaz tozu yığılmadığı üçün istiliyi tutma təsiri yoxdur. Bu, almaz tozunu iqlimə zərərli təsirlərdən qaçaraq, effektiv soyutma alətinə çevirir. Ancaq bu iddiaları təsdiqləmək üçün daha çox araşdırmaya ehtiyac var. Bəzi ekspertlər qlobal istiləşmənin təsirlərinin tamamilə dayandırıla bilməyəcəyinə şübhə ilə yanaşsalar da, bu cür innovativ həllərin perspektivli olduğu bildirir. Təbii ki, bu növ əməliyyatın qiyməti də kifayət qədər yüksəkdir. Alimlər layihənin 200 trilyon dollara başa gələcəyini proqnozlaşdırırlar. Bu nəhəng büdcənin alternativ həll yollarına xərclənməsinin daha məntiqli olub-olmaması isə başqa müzakirə mövzusudur.
