Bildiyimiz kimi, bütün dünyada müqavilələr hüquqi cəhətdən yalnız imzalandıqda keçərli olurdu. İndi isə Kanadada müqavilələri sadəcə emojilər ilə təsdiqləmək hüquqi cəhətdən qəbul olunacaq. Belə ki, Kanadanın Saskatchewan əyalət məhkəməsi emojilərin imzanın hüquqi ekvivalenti olduğuna qərar verib. Hətta fermer bu qərardan sonra 61442$ məbləğindəki borcunu ödəməyə məcbur olub. Yeni qərar əsasən gündəlik həyatda istifadə etdiyimiz baş barmaq yuxarı emojisi artıq hüquqi cəhətdən müqavilələri təsdiqləyə bilər.
Məhkəmə qərar verərkən bildirib ki, insanların bir-biri ilə ünsiyyəti də yeniliklərə uyğunlaşmalıdır. Məhz bu sözdən sonra Saskatchewandakı Quenn’s Bench məhkəməsi Kanadada müqavilələri emojilər ilə təsdiqləmək haqqında qərar qəbul edib. Məhkəmənin bu qeyri-adi qərarı yerli fermeri böyük xərcə salıb. Belə ki, 2021-ci ilin mart ayında taxıl alıcısı potensial müştərilərə taxılın hər kiloqramına 12.73$ verəcəyini və ümumilikdə 86 ton taxıl alacağını xəbər verib. Nəticədə isə Kent Mickleborough adlı alıcı və fermer Chris Achter smartfon vasitəsi ilə əlaqə saxlayıb. Daha sonra həmin ilin noyabr ayında ona müqavilənin ekran görüntüsünü mesaj şəklində göndərərək təsdiqləməsini istəyib. Chris Achter baş barmaq yuxarı emojisi ilə müqavilənin ekran görüntüsünü təsdiqləyib. Lakin o, taxılı müqavilədə razılaşdırılmış müddətdə çatdırmayıb. Maraqlısı budur ki, o taxılı gecikdirdikdən sonra taxılın qiyməti də bahalaşmışdı.
Yekunda isə mübahisə məhkəməyə qədər gedib çatıb. Satıcı məhkəmədə emojini sadəcə mesajı aldığını təsdiqləmək üçün göndərdiyini bildirib. Həmçinin fermer müqaviləni ətraflı nəzərdən keçirməyə vaxtı olmadığını bildirib. Hakim Timothy Keene isə bu emojinin lüğətdəki mənasına istinad edərək bunun müqaviləni təsdiqləmək mənasına gəldiyinə qərar verib. Hakim bütün problemləri aradan qaldırmaq üçün məhz yeni qərar qəbul edib.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
