İsveçrə, günəş panellərindən istifadə etməklə suya da qənaət etmək üçün yeni bir üsul tapıb. Belə ki, daha əvvəl Alp dağlarının günəş panelləri ilə örtən İsveçrə indi də üzən günəş panelləri tikəcək.
Dünya ölkələri enerji müstəqilliyi uğrunda fəaliyyətlərini davam etdirirlər. Bunun üçün ilk ağıla gələn üsul təbii ki, bərpa olunan enerjilər olan külək və günəş enerjisindən faydalanmaqdır. Bərpa olunan enerji sahəsinə ciddi sərmayələr qoyan İsveçrə indi üzən günəş panellərini istifadəyə verir. Xüsusilə günəş enerjisinə diqqət yetirən İsveçrə məşhur İsveçrə Alp dağlarını günəş panelləri ilə örtüb. Digər tərəfdən, ölkənin yeni planı çayların üzən günəş panelləri ilə örtülməsidir. Bu, həm də İsveçrənin içməli su ehtiyatlarını qoruyacaq. Bu yaxınlarda üzən günəş panelləri ilə bağlı artıq bir neçə layihə ortaya çıxıb.
Bu layihələrə diqqət yetirməyin çox məntiqli səbəbi var. Belə kİ, üzən panellər birbaşa su mənbələrinə gedən günəş şüalarının qarşısını alır. Beləliklə, günəş panelləri çaylarda quraqlıq problemlərinin yaranmasının da qarşısını alır. 2019-cu ildən başlayaraq Romande Energie İsveçrədəki Lac des Toules su anbarında dəniz səviyyəsindən 1810 metr hündürlükdə üzən günəş panelləri quraşdırıb. Layihədə 35 platformada iki üzlü günəş panellərindən istifadə edilib və ümumi gücü təxminən 448 kVt təşkil edib. Gölün cəmi 2%-ni əhatə edən bu platformalar iyun-dekabr ayları arasında qarın əriməsi səbəbindən dolu olan su anbarında üzərək qalır. Yanvar-may aylarında göl boş olduqda platformalar yerdə sabit qalır. Bu layihə dağlıq bölgələrdə günəş enerjisindən faydalanmağı hədəfləyən qabaqcıl layihələrdən biri hesab olunur.
