Dünyada təxmini 2.2 milyard insan miyop və ya uzaqgörənlik kimi müxtəlif göz problemləri ilə qarşı-qarşıyadır. Bununla belə, insanların təxminən yarısının astiqmatizmdən təsirlənə biləcəyini bilirdinizmi? Son dövrlərdə bu xəstəlik daha sürətlə yayılır və bir çox insanlar üçün bu söz bəlkədə yenidir. Qeyd edək ki, yeni aparılan araşdırmaya görə dünyada olan insanların təxminən 50%-də astiqmatizm problemi var.
Ümumiyyətlə, astiqmatizmli insanlar dünyanı bulanıq görür, uzun müddət oxuyanda tez-tez baş ağrıları keçirir, gözləri tez yorulur. Başqa sözlə desək, Astiqmatizm gözün qeyri-müntəzəm formasına görə görmə xəstəliyidir. Normal insanlarda göz tamamilə yuvarlaq olsa da, astiqmatizmi olan insanlarda göz daha çox üfüqi və şaqulu genişlənir. Astiqmatizm gözün iki mühüm sahəsinə təsir edir: işığın keçdiyi şəffaf qabıq olan buynuz qişa və diqqətinizi cəmləşdirməyə kömək edən linza. Retina, gözün işığı beyin siqnallarına çevirən və görməmizi təmin edən hissəsidir.
Buynuz qişanın və lensin forması pozulduqda, işıq düzgün şəkildə qırılmır və retinaya düzgün fokuslanmır. Nəticədə, insanın yaxın və ya uzaq bir yerə baxmasından asılı olmayaraq görüntü bulanıqlaşır. Birinin astiqmatizm probleminə sahib olduğu isə bir neçə yol ilə anlamaq olar. Astiqmatizm simptomları insandan insana dəyişə bilər, lakin ümumiyyətlə, bu xəstəliyə sahib olanlar bütün məsəfalərdə bulanıq görmə qabiliyyətinə malikdirlər. Bu səbəbdən gözlər tez-tez, xüsusən də uzun müddət oxuyandan və ya kompüterdə işlədikdən sonra yorulur. Əlavə olaraq, astiqmatizmi olan insanlar tez-tez gözlərini cəmləşdirməyə çalışarkən baş ağrıları yaşayırlar.
