Ötən il İnnovasiya və Rəqəmsal İnkişaf Agentliyinin təşəbbüsü, “PAŞA Holding” Şirkətlər Qrupunun sponsorluğu ilə Azərbaycanda tədrisə başlayan dünyanın nüfuzlu məktəblər şəbəkəsi “Holberton School” bu gün ilk kohortunun məzun gününü qeyd edib. Ödənişsiz bir şəkildə “peer-to-peer” metodologiyası ilə keçirilən kohortda tədris, tələbələrə komanda əsaslı şəraitdə dərs keçməyə və digər tələbələrlə ünsiyyət imkanı ilə təhsil proqramını effektiv mənimsəməyə imkan yaradıb.
![Holberton School məzun](https://tedroid.com/media/2024/07/holberton-school-ilk-mezun-gunu-4-1024x576.jpg)
Hal-hazırda yekunlaşan kohort etibarilə 50-ə yaxın məzun sayı var. Bu məzunların tamamı “foundation of computer science” üzrə ixtisaslaşıblar. Məzunlardan artıq 12-si müxtəlif şirkətlərdə işlə təmin olunub. Bir sonrakı kohortda yalnız “foundation” deyil, “full-stack” sahəsi üzrə də məzunlar veriləcək. Növbəti hədəflər isə məzunların “junior” deyil də, orta və daha üst səviyyədən iş həyatına atılmasının təmini olacaq.
![Holberton School məzun](https://tedroid.com/media/2024/07/holberton-school-ilk-mezun-gunu-3-1024x576.jpg)
Qeyd edək ki, “Holberton School” İKT təhsili sahəsində ABŞ-ın Silikon Vadisindən qaynaqlanan qlobal təcrübə ilə yerli bazarda innovativ təhsil metodologiyası və ekosistemin gücləndirilməsi istiqamətində müstəsna fəaliyyətini davam etdirməkdədir. Başqa sözlə desək, “Holberton School Azerbaijan” ABŞ-ın Silikon Vadisi innovasiyalarına əsaslanan dinamik texnoloji təhsil təcrübəsinə giriş qapısıdır. Şirkətin missiyası sadəcə tələbələrinə yalnız texniki bilik və bacarıqlara yiyələnməyi təşviq etməklə məhdudlaşmayaraq, onları aim inkişaf edən İKT sahəsində dolğun iş həyatına hazırlamaq istiqamətində çalışmaqdır.
![Holberton School məzun](https://tedroid.com/media/2024/07/holberton-school-ilk-mezun-gunu-1-1024x576.jpg)