Google Maps tətbiqi xəritələşdirmə həlləri sayəsində əlində böyük miqdarda məlumat toplayıb. Şirkət bu məlumatlardan həm bərpa olunan enerji məlumatlarını insanlar üçün yaymaq, həm də bu məlumatlardan yeni gəlir əldə etmək üçün istifadəni hədəfləyir. Paylaşılan məlumata görə, Google bərpa olunan enerji sahəsində günəş panellərindən istifadəni təkmilləşdirmək üçün bir sıra şirkətlərə yeni xəritə məlumat dəstlərini Solar API ilə lisenziyalaşdırmağı planlaşdırır. Üstəlik ilk ilində 100 milyon dollara qədər gəlir əldə etməyə ümid edir.
Göstərilən şirkət və Google-un səhmləri ilə əlaqədar proqram nəhəngi SunRun, Tesla Energy, Aurora Solar, Zillow, Redfin, PG&E kimi təşkilat və şirkətlərin istifadəsi üçün Solar API təmin ediləcək. Solar API-dən bəzi ilkin sınaqlar 2015-ci ildə istifadəyə verilmiş günəş enerjisi sahəsində aparıcı şirkətlərdən olan Project Sunroof adlı istehlakçı yönümlü pilot layihədən gələcək.
Belə ki, Google istifadəçilərə ünvanlarını daxil etməyə və elektrik enerjisindən necə səmərəli istifadəyə, onlara lazım olacaq günəş panellərinin ölçüsünü seçməyə, hətta hansı istiqamətdə quraşdırmalı olduqlarına qədər geniş məlumat dəsti verəcək. Beləliklə, xərclər əhəmiyyətli dərəcədə optimallaşdırılacaq. O, həmçinin Google Xəritə məlumatlarına əsasən binaların və yaxınlıqdakı damların 3D modellərini yaratma imkanı da təklif edir.
Google həmçinin Solar API ilə bir evin damının orta ildə nə qədər günəş aldığını sizə göstərəcək. Nəticədə günəş panelləri istehsalçıları və ya belə sistem təminatçıları fərdi və ya korporativ müştəriləri üçün uzaqdan günəş enerjisi panelləri dizayn edə, test vaxtlarını azalda, məkana əsaslanan təkliflər yarada və istehlakçılara asan məlumat verə biləcəklər. Sənədlərə görə, şirkət 350 milyondan çox bina ilə bağlı məlumatlara malik olduğunu bildirir. Google müvafiq API-lərinin buraxılmasından sonra ilk ildə 90-100 milyon dollar arasında gəlir əldə etməyi gözləyir. API-lərin Google Bulud məhsulları ilə əlaqə qurma potensialı da var.
