Bir neçə saat əvvəl verilən açıqlamaya görə, tarixi bir razılaşma ilə G7 ölkələri 2030-cu ilin ilk yarısına qədər kömürdən istifadəni mərhələli şəkildə dayandıracaq. Qeyd edək ki, G7 ölkələrinə müvafiq olaraq Kanada, Fransa, Almaniya, İtaliya, Yaponiya, Böyük Britaniya və ABŞ daxildir. Bundan əlavə, böyük yeddilik İtaliyanın Torino şəhərində yeni bir görüş təşkil etməyi planlayır. Bu, dünyanın qalıq yanacaqlardan imtina etməyi öhdəsinə götürdüyü СОР28’dən bu yana ilk böyük siyasi görüş olacaq.
Birləşmiş Krallığın Enerji Təhlükəsizliyi Аndrеw Воwіе xəbəri təsdiqləyərək bildirib ki, “Ember enerji fondunun məlumatlarına görə, 2023-cü ildə G7 ölkələri elektrik enerjisinin yalnız 16 faizini kömürdən istehsal edəcəklər. 2015-ci ildə isə bu pay 29% olub”. 2023-cü ildə ən böyük paya 32% ilə Yaponiya sahib olarkən, Almaniya da onu 27% ilə təqib edib. Qeyd edək ki, ABŞ hazırda G7-nin təyin etdiyi göstərici olan 17% ilə kifayətlənib. G7-nin digər üzvləri isə əsasən kömürdən imtina ediblər: Fransa (0,4%), Böyük Britaniya (1,4%), Kanada (5%) və İtaliya (5,3%).
Emberin Global Insight proqramının direktoru Dave Jones, “Bu, kömür tabutuna vurulan yeni bir mismardır” deyə bildirib. Problem budur ki, kömürdən əldə edilən enerji azalsa da, qazdan əldə edilən enerjidə heç bir azalma mövcud deyil. G7 ölkələri hazırda 2035-ci ilə qədər öz enerji sektorlarını “tamamilə və əsaslı şəkildə” karbonsuzlaşdırmağa söz veriblər. Belə ki, Böyük Yeddilik 2035-ci ilə qədər təkcə kömürdən deyil, qazdan da imtina etməlidir. Hələlik isə bu istiqamətdə müvafiq tədbirlər görülür.
